Bıyl avtojol salasyndaǵy jobalardy iske asyrýǵa bıýdjetten 601 mıllıard teńge bólindi
2022 jylǵy 17 mamyr 12:05

Bıyl avtojol salasyndaǵy jobalardy iske asyrýǵa bıýdjetten 601 mıllıard teńge bólindi

NUR-SULTAN. QazAqparat – Qazaqstan joldarynyń 11500 shaqyrymynda qurylys jáne jóndeý júrgizilip jatyr. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev aıtyp berdi, dep habarlaıdy QazAqparat tilshisi.

«Bıyl avtojol salasyndaǵy jobalardy iske asyrýǵa respýblıkalyq bıýdjetten 601 mıllıard teńge bólindi. Jalpy qoldanystaǵy avtojoldardyń 11500 shaqyrymynda qurylys, rekonstrýktsııa jáne jóndeý júrgizilip jatyr», - dedi Q. Óskenbaev Úkimet otyrysynda.

Mınıstrdiń aıtýynsha, bıyl qurylys jáne rekonstrýktsııalaý boıynsha 4300 shaqyrym bolatyn 18 joba iske asyrylyp jatyr, onyń 15-i ótpeli jáne 3-ýi jańa joba.

Jyl sońyna qaraı 1600 shaqyrym joldaǵy jumystardy aıaqtaý josparlanǵan: Taldyqorǵan - Óskemen (579 shaqyrym), Qaraǵandy – Balqash (93), Balqash – Býrylbaıtal (127), Býrylbaıtal-Kurty-Qapshaǵaı (62), Uzynaǵash – Otar (38), Merke – Býrylbaıtal (118), Aqtóbe – Qandyaǵash - Maqat (246), Atyraý - Astrahan (40), Qalbataý – Maıqapashaǵaı (143), Úsharal - Dostyq (147), Qostanaı – Denısovka (24), Pavlodar-Semeı (10), Shamalǵan (6).

1400 shaqyrymda kólik qozǵalysyn ashý kózdelgen: Taldyqorǵan – Óskemen (189), Qaraǵandy – Balqash (270), Balqash – Býrylbaıtal (161), Býrylbaıtal-Kurty-Qapshaǵaı (107), Uzynaǵash – Otar (41), Qandyaǵash - Maqat - Atyraý (96), Atyraý – Astrahan – (134), Qalbataý – Maıqapashaǵaı (158), Merke – Býrylbaıtal (82), Qostanaı – Denısovka (19), Úsharal - Dostyq (3), Shamalǵan (6), Petropavl – RF shekarasy (16), Qyzylorda – Jezqazǵan (90), ÚAAAJ – (66 shaqyrym).

Buǵan deıin Indýstrııa mınıstri 2025 jylǵa deıin respýblıkalyq joldardyń normatıvtik jaǵdaıdaǵy úlesi 100 paıyzǵa jetetinin aıtqan edi.

Sonymen birge, eldegi kólik-tranzıttik áleýetin arttyrý úshin Qazaqstan arqyly ótetin 8 kólik dálizi jańǵyrtylady.


Uqsas jańalyqtar

Jańalyqtar

Úrdis

MURAǴAT