Valıýta baǵamdary:
    usd/kzt 477.98 eur/kzt 488.93

    rub/kzt 7.93 cny/kzt 70.82
Aýa raıy:
Nur-Sultan: 1 °S
Almaty: 15 °S

Bıyl astana kúni qalaı toılanady

2022 jylǵy 28 maýsym 20:48

NUR-SULTAN. QazAqparat - Bıyl elimizdiń bas qalasy óziniń 24 jyldyǵyn atap ótip jatyr, dep habarlaıdy QazAqparat ákimdiktiń resmı saıtyna silteme jasap.

Elordamyzdyń týǵan kúnine oraı mádenıet, sport mekemeleri, qalanyń shyǵarmashylyq ujymdary kóńildi, merekelik baǵdarlama daıyndap otyr. Qala turǵyndary men qonaqtardy kontsertter, kórmeler, festıvaldar, premeralardy tamashalaı alady.

Astananyń 24 jyldyǵyna oraı qalada birqatar áleýmettik nysandardyń, gúlzarlardyń, qoǵamdyq keńistikterdiń, 80-nen asa aýlanyń saltanatty ashylýy ótedi.

Budan bólek, osy kúnge oraı elordanyń birqatar vedomstvolyq baǵynysty uıymdary kontsertter, sporttyq týrnırler, kórmeler uıymdastyrady.

28 maýsym kúni saǵat 19:00-de memlekettik akademııalyq fılarmonııa sahnasynda Ermurat Úsenovtiń 70 jyldyǵyna arnalǵan «Qorqyt» etno-ansambli «Ómir dastan» kontsertin qoıady.

Osy kúni elordada erler men áıelder arasynda bokstan «Elorda kýbogy» halyqaralyq týrnıri bastalady. Ol Jaqsylyq Úshkempirov atyndaǵy Jekpe-jek saraıynda 5 shildege deıin ótedi.

30 maýsymda «Jastar» teatrynda sýretshi Gúlnazym Ómirzaqtyń kórmesin, sondaı-aq dızaıner Altynbek Ermuhannyń sán kórsetilimin tamashalaýǵa bolady.

1-6 shilde aralyǵynda «Atameken» etno-memorıaldyq kesheninde «Elorda peızajdary» atty art-kórme uıymdastyrylady.

Birikken mýzeıler dırektsııasy merekege oraı birden birneshe ekspozıtsııa uıymdastyrady:

1-8 shilde aralyǵynda – «El tiregi – Elorda» kórmesi, 1-5 shilde aralyǵynda – «Kıeli meniń astanam» fotokórmesi.

5 shilde kúni munda «Álem kartasyndaǵy jańa elorda» atty is-shara ótedi.

1 shilde kúni saǵat 20:00-de Esil ózeni jaǵalaýyndaǵy amfıteatrda Batyrhan Shúkenovtiń shyǵarmashylyǵyna arnalǵan «Tvoı shagı» atty kontsert ótedi.

3 shilde kúni saǵat 20:30-da EKSPO alańynda Ulttyq dombyra kúni atap ótiledi.

Sol kúni saǵat 18:00-de elordalyq fılarmonııa merekelik kontsertke shaqyrady. Sol sııaqty «Barys Arena» muz saraıynda qazaq kúresinen «Qazaqstan barysy» respýblıkalyq týrnıri ótedi.

4 shilde kúni saǵat 18:00-de Amfıteatr sahnasynda «Astana keshi kóńildi» merekelik kontsertimen otandyq estrada ártisteri men shyǵarmashylyq ujymdar óner kórsetedi.

4-6 shilde aralyǵynda Ortalyq saıabaqta «Mereke Street» qalalyq mádenıet festıvali ótedi.

5 shilde kúni saǵat 19:00-de fılarmonııanyń kontsert zalynda «Ázil álemi» ázil keshi uıymdastyrylady.

5 shilde kúni saǵat 19:00-de «Astana Opera» opera jáne balet teatry kúmis ǵasyrdyń «Shopenıana» jáne «Shehrezada» baletterin usynady.

5 jáne 6 shilde kúnderi «Kolızeı» sport keńistiginde «Otan Ana» monýmentiniń janynda strıtboldan «Nur Sultan Cup» týrnıri uıymdastyrylady.

5-9 shilde aralyǵynda «Astana Balet» teatry «Orfeı jáne Evrıdıka» baletiniń premerasyna shaqyrady.

Astana kúni, ıaǵnı 6 shildede saǵat 11:00-de Trıatlon parkte «Elorda Tolqyny» sporttyq jarysy bastalady.

Osy ýaqytta «Qazanat» ıppodromynda shabandozdar arasynda báıgeden «Astana kýbogy» jarysy ótedi.

Sol kúni keshke, saǵat 21:00-de Amfıteatr sahnasynda Ulyqpan Joldasov «Aq qanat – aq qusym» baǵdarlamasymen óner kórsetedi.

Saǵat 18:00-den 22:00-ge deıin «Astana-Arena» stadıonynyń turaǵynda «Halyqpen birge» dástúrli Open Air ótedi.

Sol kúni keshke «Qazaqstan» OKZ «Dos-Muqasan» ansambliniń shyǵarmashylyǵyna arnalǵan «Dalam meniń» kontserti uıymdastyrylady.

8 shilde kúni saǵat 12: 00-de Amfıteatrda «Men seni súıemin, astanam» atty kontserttik qoıylym ótedi.

Saǵat 10:00-den 22:00-ge deıin «Barys Arena» mańynda 12 saǵattyq «You Fest» Open Air ótedi.


Novostı po teme