+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Bıyl ana men balany qoldaýǵa 130 mlrd teńge jumsaldy

2021 jylǵy 21 shilde 09:45
Bólisińiz:
Bıyl ana men balany qoldaýǵa 130 mlrd teńge jumsaldy

NUR-SULTAN. QazAqparat - Jyl basynan beri ana men balany qoldaý maqsatynda MÁSQ-tan 130 mlrd teńgeden astam qarajat tólendi. Bul týraly QazAqparat Eńbek mınıstrligine silteme jasap habarlaıdy.

Uqsas jańalyqtar
Eńbekaqy tóleý qorynan biryńǵaı tólem engiziledi Nur-Sultanda jyl basynan beri toǵyz myńnan astam adam jumysqa ornalasty Prezıdent Joldaýynda qandaı áleýmettik bastamalar aıtyldy – sarapshy

Aǵymdaǵy jyldyń 6 aıynda Memlekettik áleýmettik saqtandyrý qorynan ana men balany qoldaý úshin 130,4 mlrd teńge somasyna áleýmettik tólemder júzege asyryldy.

Júktilikke jáne bosanýǵa, jańa týǵan balany (balalardy) asyrap alýǵa baılanysty tabystan aıyrylý jaǵdaıyna MÁSQ-tan tólenetin áleýmettik tólem áleýmettik saqtandyrý júıesine qatysatyn jumys isteıtin áıelderge júktilik jáne bosaný boıynsha ýaqytsha eńbekke jaramsyzdyq paraǵy (budan ári – eńbekke jaramsyzdyq paraǵy) negizinde taǵaıyndalady.

Aǵymdaǵy jyldyń І jartyjyldyǵynda osy birjolǵy tólemdi 114 633 bolashaq ana jalpy somasy 57,3 mlrd teńgege aldy. Onyń mólsheri sońǵy 12 aıdaǵy MÁSQ-ǵa áleýmettik aýdarymdar tólengen tabystarǵa jáne eńbekke jaramsyzdyq paraǵyna sáıkes eńbekke jaramsyzdyq kúnderiniń sanyna baılanysty bolady.

Sondaı-aq, aǵymdaǵy jyldyń І jartyjyldyǵynda MÁSQ-tan 459 217 alýshyǵa jalpy somasy 73,1 mlrd teńgege 1 jasqa deıingi bala kútimine baılanysty tabysynan aıyrylǵan jaǵdaıda aı saıynǵy áleýmettik tólemder júzege asyryldy.

Bul tólemniń mólsheri sońǵy 2 jyl ishindegi MÁSQ-qa áleýmettik aýdarymdar tólengen ortasha aılyq tabystyń 40%-yn quraıdy. Zańnamada tólemniń eń tómengi mólsheri belgilengen – mindetti zeınetaqy jarnalarynyń osy somasyna qosymsha aýdarýmen 1 jasqa deıingi bala kútimi boıynsha uqsas aı saıynǵy memlekettik áleýmettik járdemaqy deńgeıinde. Tólemniń eń joǵary mólsheri – tıisti qarjy jylyna arnalǵan respýblıkalyq bıýdjet týraly zańda belgilengen eń tómen jalaqynyń jeti eselengen mólsheriniń 40%-ynan aspaıdy, ıaǵnı 2021 jyly – 119 myń teńge.

Joǵaryda kórsetilgen áleýmettik tólemderdiń taǵaıyndalǵan somalarynan mindetti zeınetaqy jarnalary ustalady jáne alýshynyń Biryńǵaı jınaqtaýshy zeınetaqy qoryndaǵy shotyna aýdarylady.

MÁSQ-tan áleýmettik tólemderdi taǵaıyndaý tásilderiniń biri azamattar memlekettik organdarǵa júginbeıtin proaktıvti format bolyp tabylady. Mundaı jaǵdaılarda áıeldiń uıaly telefonyna tólemderdi resimdeýge qatysty sms-habarlama keledi, soǵan kelisim berý qajet.

Proaktıvti qyzmet kórsetiletin qyzmetti alýshynyń uıaly baılanysynyń abonenttik qurylǵysynyń telefon nómiri elektrondyq úkimettiń egov.kz portalynda tirkelgen, jumys orny boıynsha eńbekke jaramsyzdyq paraǵyn bergen jáne dekrettik demalysty resimdeý týraly aqparattyq júıelerden málimetter alynǵan, eńbekke jaramsyzdyq paraǵy berilgen aıdyń aldyndaǵy aıda kórsetiletin qyzmetti alýshyda áleýmettik aýdarymdar bolǵan jáne bank shotynyń nómiri kórsetilgen jaǵdaıda kórsetiledi.

Sondaı-aq, balanyń týý týraly kýáligin alǵannan keıin, elektrondyq tsıfrlyq qoltańba bolǵan jaǵdaıda 1 jasqa deıingi bala kútimi boıynsha tólemdi elektrondyq úkimet portaly arqyly resimdeýge bolady.

Bul rette qujattardy qaǵaz nysanynda berýge yńǵaıly adamdar úshin turǵylyqty jeri boıynsha «Azamattarǵa arnalǵan úkimet» memlekettik korporatsııasynyń bólimsheleri arqyly ótinish berýdiń dástúrli tásilderi de bar.

MÁSQ-tan tólenetin barlyq tólemder týraly tolyq aqparatpen www.gfss.kz ınternet-resýrsta tanysýǵa bolady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT