Bıyl Almatynyń densaýlyq saqtaý júıesin damytýǵa 242,1 mlrd teńge bólindi
2022 jylǵy 29 maýsym 12:31

Bıyl Almatynyń densaýlyq saqtaý júıesin damytýǵa 242,1 mlrd teńge bólindi

ALMATY. QazAqparat- Medıtsınalyq saqtandyrý engizilgennen beri Almaty qalasy densaýlyq saqtaý salasynyń bıýdjeti edáýir artty. Bul týraly «Áleýmettik medıtsınalyq saqtandyrý qory» KEAQ Almaty fılıaly dırektory Tileýhan Ábildaev aıtty, dep habarlaıdy QazAqparat tilshisi.

«MÁMS engizilgennen beri Almaty qalasynyń densaýlyq saqtaý bıýdjeti edáýir artty. 2022 jylǵa naqtylanǵan bıýdjet 242,1 mlrd teńgeni qurady, bul ótken jylmen salystyrǵanda 17,3%-ǵa artyq. Onyń 135,1 mlrd teńgesi – tegin medıtsınalyq kómek paketine, 107,0 mlrd teńgesi – MÁMS paketine tıesili», - deıdi Tileýhan Ábildaev.

Sonymen qatar, ol MÁMS júıesi aıasynda reabılıtatsııalyq qyzmetterge 3,4 mlrd teńge jumsalǵanyn aıtty.

«Almaty qalasy boıynsha 2020 jyly reabılıtatsııa qyzmetine 4,2 mlrd teńge, 2021 jyly – 6,3 mlrd teńge jumsaldy, al 2022 jylǵa – 7,5 mlrd teńge qarastyrylyp otyr. Jyl saıyn reabılıtatsııalyq kómek kórsetetin klınıkalar sany da artyp keledi. Mysaly, 2019 jyly Almatyda qormen 4 reabılıtatsııa ortalyǵy jumys istegen bolsa, búginde olardyń sany 114-ke jetti»,-dedi ol.


Uqsas jańalyqtar

Jańalyqtar

Úrdis

MURAǴAT