Bıyl Almatyda 1400-den astam adamdy ıt qapty
2022 jylǵy 25 mamyr 17:51

Bıyl Almatyda 1400-den astam adamdy ıt qapty

ALMATY. QazAqparat- 2021 jyly Almatyda 3500 adam qańǵybas ıtterden zardap shekken. Jyl basynan beri megapolıste 1400 -den astam adamdy ıt qaýyp aldy, dep habarlaıdy QazAqparat tilshisi.

«Almatyda ıt qabý faktileri boldy. Sanıtarlyq-epıdemıologııalyq baqylaý departamentiniń málimetinshe, ótken jyly 3500-ge jýyq jaǵdaı tirkelgen. Barlyq aqparat bizdiń qyzmetke dereý túsedi, biz qańǵybas ıtterdi shuǵyl ustaımyz. Bıyl Almatyda 1400 -den astam adamdy ıt qapqan. Basym bóligi qańǵybas ıtter», - dedi Almaty qalalyq veterınarııa qyzmetiniń basshysy Ádis Seıdaqmatov óńirlik kommýnıkatsııalar qyzmetinde ótken baspasóz máslıhatynda.

Sonymen qatar ol Almaty qalasynyń aýmaǵynda ıt pen mysyqqa qutyrýǵa jáne ehınokokkozǵa qarsy vaktsına salynatynyn jetkizdi. Eske salaıyq, sáýir aıynda Almatyda úı janýarlaryn tegin chıpteý baǵdarlamasy iske qosylǵan bolatyn. Onyń aıasynda 15 myń úı janýary qamtylmaq.


Avtor:
Tilshi

Jańalyqtar

MURAǴAT