Bıyl Almaty oblysynda 3 myńǵa jýyq adamdy baspanamen qamtý josparlanǵan

TALDYQORǴAN. QazAqparat - Bıyl Almaty oblysynda kezekte turǵan 2 788 adamdy turǵyn úımen qamtamasyz etý josparlanýda, - dep habarlaıdy QazAqparat tilshisi.

Uqsas jańalyqtar

Zeınetaqy qarajatyn alý: Turǵyn úıdi 5 jylǵa deıin satýǵa tyıym salý tártibi túsindirildi

«Otbasy banki» zeınetaqynyń bir bóligin alýǵa ótinim qabyldaıtyn saıtty jarııalady Týys adamdar zeınetaqy jınaǵyna bir-birinen úı satyp ala almaıdy – Ibragımova «Otbasy banki» basshysy zeınetaqynyń bir bóligin alýǵa ótinim qabyldanatyn naqty merzimdi atady

Oblystyq qurylys basqarmasynyń málimetinshe, bıyl oblysta bıýdjet qarajaty esebinen 246,2 myń sharshy metr nemese 3258 páter (714 turǵyn úı) baspana qurylysy júrip jatyr. Jyl sońyna deıin jalpy aýdany 131,8 myń sharshy metr bolatyn 1630 páterli 532 úıdi paıdalanýǵa berý josparlanǵan. Jalpy aýdany 114,4 myń sharshy metrdi quraıtyn 1628 páterli 182 úı 2021 jyldyń birinshi jartysynda paıdalanýǵa beriledi dep josparlanǵan.

«Bıyl kezekte turǵan 2 788 adamdy turǵyn úımen qamtamasyz etý josparlanýda. Tómende kórsetilgen memlekettik baǵdarlamalar boıynsha baspana kezeginde turǵan azamattarǵa beriledi. Atap aıtsaq, «Nurly jer» baǵdarlamasymen 1 245 páter (1195 qurylys, 50 ​ satyp alý); «Baqytty otbasy» baǵdarlamasy aıasynda 600 páter (ekinshi jáne negizgi turǵyn úılerdi satyp alý); «7 – 20 – 25» baǵdarlama boıynsha 467 páter (65 nesıelik turǵyn úı, 402 kommertsııalyq); «5 – 10 – 20» baǵdarlamasymen 476 páter (370 nesıelik turǵyn úı, 106 kommertsııalyq)»,- delingen Almaty oblysy ákiminiń baspasóz qyzmetiniń aqparatynda.