+7 (701) 759 90 19
USD 420.65 EUR 505.03
RUB 5.64 CNY 65.01
Jańalyqtar

Bıyl aqparattyq qaýipsizdikti kúsheıtý úshin qandaı mindetter júzege asyrylady

2021 jylǵy 22 qańtar 10:54
Bólisińiz:
Bıyl aqparattyq qaýipsizdikti kúsheıtý úshin qandaı mindetter júzege asyrylady

NUR-SULTAN. QazAqparat – Azamattyq hal aktilerin tirkeý salasyndaǵy memlekettik qyzmetter elektrondyq formatqa aýystyrylady. Bul týraly QR Ádilet vıtse-mınıstri Azamat Ámirǵalıev aıtty, dep habarlaıdy QazAqparat tilshisi.

Uqsas jańalyqtar
Qazaqstanda zeınetaqy men járdemaqyny taǵaıyndaý tsıfrlandyrylady Páterde qansha adam tirkeýde turǵanyn qalaı bilýge bolady

«2020 jyly vırýstyq shabýyldardan, derekterdiń tarap ketýinen qorǵaıtyn jáne monıtorıng júrgizetin júıeler engizildi, ol aqparattyq qaýipsizdiktiń tıisti deńgeıin qamtamasyz etti. Atap aıtqanda, 2020 jyly 17 botnet, IP-adresterde 214 osal sala joıyldy, 5 joǵary jáne tómen belsendiliktegi jelilik shabýylǵa jol berilmedi», - dedi Azamat Ámirǵalıev mınıstrliktiń keńeıtilgen alqa otyrysynda.

Degenmen, vıtse-mınıstr atalǵan baǵyttardaǵy jumysty odan ári jetildirý maqsatynda 2021 jyldyń birinshi jartyjyldyǵynda birqatar mindetti júzege asyrý qajet ekenin aıtty.

«Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, azamattyq hal aktilerin tirkeý salasyndaǵy memlekettik qyzmetterdi «elektrondyq úkimet» portaly arqyly elektrondyq formatqa aýystyrý boıynsha sharalardy qabyldasyn. Ádilet departamentteri jergilikti atqarýshy organdarmen jáne Azamattarǵa arnalǵan úkimetpen birlesip, «Turǵyn úı qatynastary týraly» Zańyn múliktiń menshik ıeleri birlestigi men kondomınıým nysanyn qurý bóliginde júzege asyrýdy qamtamasyz etsin», - dedi vıtse-mınıstr.

Onyń aıtýynsha, sarapshylardyń biliktiligin arttyrý, saraptamanyń jańa túrleri úshin joǵary bilikti mamandarmen tolyqtyrý, sondaı-aq zertteýlerdiń jańa metodıkalaryn engizý boıynsha jumysty jalǵastyrý qajet. Memlekettik qyzmetterdiń kórsetilý merzimderin buzbaý, olardyń sapaly kórsetilýin jáne bıznes-protsessterdiń saqtalýyn qamtamasyz etý boıynsha tıisti sharalardy qabyldaý kerek. «Digital Justice» jobalaryn júzege asyrý boıynsha jol kartalarynyń oryndalýyn qamtamasyz etý jáne mınıstrliktiń arhıtektýrasyna tıisti ózgerister engizý qajet.

«Tsıfrlyq Qazaqstan» memlekettik baǵdarlamasy tarmaqtarynyń oryndalýyn qamtamasyz etý jáne E-saraptama, E-zan komegi, E-apostıl júıelerin respýblıkanyń barlyq aýmaqtarynda taratý; aqparattyq qaýipsizdik boıynsha biryńǵaı talaptarǵa sáıkes osy jyldyń 1-jartyjyldyǵynyń aıaǵyna deıin operatsııalyq júıelerdi eskirgen nusqalaryn joıa otyryp, Windows-10-ǵa jańartý jáne 2020 jyldyń aıaǵyna deıin ınventarızatsııa qorytyndysy boıynsha eskirgen kompıýterler parkin aýystyrýdy qamtamasyz etý kerek», - dedi Azamat Ámirǵalıev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT