+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Bıyl «Abaı» telearnasy ashylady

2020 jylǵy 30 mamyr 20:08
Bólisińiz:
Bıyl «Abaı» telearnasy ashylady

NUR-SULTAN. QazAqparat - Bıyl mádenıet baǵytyndaǵy «Abaı» telearnasy ashylady. Bul jaıynda QR Prezıdenti Ákimshiligi basshysynyń birinshi orynbasary Dáýren Abaevtyń Qazaqstannyń halyq ártisi Talǵat Temenovke áleýmettik jelide jarııalaǵan inilik bazynasynda aıtylǵan, dep habarlaıdy QazAqparat.

Uqsas jańalyqtar
Oralda «Bes urpaq» saýyqtyrý saıabaǵy ashyldy

Aıta keteıik, Talǵat Temenov Facebook paraqshasynda QR Aqparat jáne qoǵamdyq damý mınıstri Aıda Balaevanyń atyna jazba qaldyryp, onda tól televıdenıemizge qatysty oıyn bildirgen bolatyn.

Al búgin sońǵy tórt jylda Aqparat mınıstri bolǵan, qazirgi qyzmetinde de osy máselemen tikeleı aınalysatyn Dáýren Abaev jazbaǵa oı qosyp, halyq ártisiniń keı aıtqan tustaryna túsinikteme berýdi ózine mindet sanaǵan.

«Barlyq telearnada kórkemdik keńester bar. Olar efırden beriletin materıaldy saralap, suryptap otyrady. Ásirese, memlekettik arnalardyń kórkemdik keńesiniń talaby aıryqsha qatal. Árıne, jumys tártibiniń ereksheligine, ýaqyt tapshylyǵyna baılanysty beınematerıalda qatelikter bolyp turady. Keıde beınetýyndy sapasyna qatysty syn aıtylyp jatady. Biraq bul – jekelegen jaǵdaılar. Únemi qatelik ketedi degendi bildirmese kerek. Ózińizge málim, kıno túsirý – jankeshti eńbek pen úlken qarjy qajet etetin uzaq protsess. Táýelsizdik dáýirinde bul salaǵa kóp kóńil bólinip, mol qarajat quıyldy. Nátıjesinde edáýir dúnıeler jasaldy», - dedi Dáýren Abaev.

Osy oraıda ol mysaly retinde «Orbulaq shaıqasy», «Dýlatı», «Keıki Mergen», «Qustar áni», «Kelinjan», «Kórshiler», «Qazaq handyǵy. Altyn taq», «Qunanbaı», «Abaı», «Bekzat», «Qalamger», «Án aǵa», «Bóri», «Arman jolynda», «Abzal jan», sııaqty kóptegen fılmder men serıaldardy atap ótedi.

«Bul meniń dál qazir esime túskeni ǵana, negizi odan da basqa júzdegen medıatýyndy jasaldy. Únemi este bolatyn taǵy bir nárse – bunyń bári shyǵarmashylyq dúnıeler. Sol úshin de bireýge unap, ekinshi adamǵa unamaýy zańdylyq. Biraq, bir anyǵy – osynyń barlyǵy da ÓZІMІZDІKІ. Otandyq týyndylar. Kezinde jylyna 1-2 fılm shyqqanyn jetistik sanasaq, qazir ondaǵan fılm men serıal shyǵyp jatqanyna tań qalmaımyz. Buǵan qýaný kerek dep sanaımyn. Osy rette, mádenıet baǵytyndaǵy «Abaı» telearnasyn ashýdy bıylǵa josparlap otyrǵanymyzdy aıtqym keledi. Jazbańyzda aıtylǵan «Súleımen Sultan» serıaly da tosynnan túsirilgen týyndy emes. Kóp jyldar boıy básekeniń qazanynda qaınap, kásibıliktiń kóriginde qyzǵan dúnıe. Sol úshin de tanymal. Buıyrsa, biz de ol deńgeıge jetemiz, tipti asyp túsemiz dep sendirgim keledi», - dep túdi D.Abaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT