+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Bıyl 7 halyqaralyq reıs ashyldy

2019 jylǵy 1 qazan 21:01
Bólisińiz:
Bıyl 7 halyqaralyq reıs ashyldy

NUR-SULTAN. QazAqparat – PrimeMinister.kz-ke bergen suhbatynda QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti tóraǵasynyń orynbasary Aıbek Áljanov tranzıttik avıa tasymaldar salasyn damytý týraly aıtyp berdi.

Uqsas jańalyqtar
Qazaqstandyq áýekompanııalar Saýd Arabııasyna eki turaqty reıs ashýdy josparlap otyr Atyraý áýejaıynda Nur-Sultanǵa bet alǵan ushaq shuǵyl túrde jerge qondy Avstralııalyq áýe kompanııasynyń ushaǵy eń uzaq reıs jasap, rekord ornatty

A. Áljanovtyń aıtýynsha, halyqaralyq tasymaldardy damytý salasynda turaqty ósim baıqalýda. 2013 jyly 73 baǵyt boıynsha ushqan bolsa, 2019 jyly 99 baǵytqa deıin ulǵaıdy.

QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti normatıvtik-quqyqtyq bazany qurý jáne tolyqqandy yntymaqtastyq ornatý boıynsha basqa eldermen únemi kelissózder júrgizip turady.

2019 jyldyń basynan beri qazaqstandyq jáne sheteldik áýe kompanııalary 7 baǵyt boıynsha halyqaralyq reısti ashty: «Nur-Sultan – Praga», «Nur-Sultan – Ulan-Batyr», «Almaty – Baký», «Jýkovskıı – Qaraǵandy», «Jýkovskıı – Kókshetaý», «Jýkovskıı – Petropavl», «Nur-Sultan – Ulan-Batyr» jáne «Nur-Sultan – Tokıo».

Búginde ishki baǵyttar boıynsha 8 áýe kompanııasy 54 ishki reısti oryndaıdy.

Sonymen qatar, bıyl Reseı Federatsııasynyń Kólik mınıstrligimen «Nur-Sultan – Máskeý» baǵyty boıynsha Air Astana jáne Aeroflotpen úlestes emes, ekinshi tasymaldaýshylardy taǵaıyndaý arqyly ushý jıiligin ár taraptan aptasyna 12-den 21-ge deıin ulǵaıtý boıynsha ýaǵdalastyqqa qol jetkizildi. Qazaqstandyq taraptan SCAT áýe kompanııasy taǵaıyndaldy.

«Buǵan deıin Air Astana kompanııasy aptasyna 14 reıs oryndasa, bıyl SCAT áýe kompanııasy 7 reıs qosty. Qazir kúnine atalǵan baǵytta 6-ǵa jýyq reıs oryndalady. Munyń barlyǵy jolaýshylar úshin bılet qunynyń tómendeýine yqpalyn tıgizedi», — dedi A. Áljanov.


Sonymen qatar alǵashqy ulttyq FlyArystan loýkosteri ushyryldy, qazir ol 6-ǵa jýyq baǵytta ushady. Bıyl jyl sońyna deıin taǵy eki borttyń qosylýy kútilip otyr, tıisinshe biz kóptegen baǵyttar boıynsha ushýlardyń artqanyn baıqaıtyn bolamyz. Jyl sońyna deıin Fly Arystan 1 mln-ǵa deıin joshaýshy tasymaldaıdy dep kútilýde. 2023 jylǵa deıin áýe kompanııasy 10-ǵa jýyq áýe kemesin alýy tıis. Sonyń nátıjesinde baǵdar jelisi 54 baǵytqa deıin artady.

«Jýyrda ǵana Nur-Sultan qalasynan Pavlodarǵa reıs ushatyny belgili boldy, munda bılet quny 999 teńgeden bastalady. Biz bul rette básekelestikti baıqap otyrmyz», — dedi Aıbek Áljanov.

Sonymen birge, qoldanystaǵy ushý-qoný jolaqtaryn rekonstrýktsııalaý jáne jańalaryn salý, aerohab toraptaryn salý, áýejaı keshenderin damytý, Halyqaralyq azamattyq avıatsııa uıymynyń talaptaryna sáıkes keltirý úshin aeronavıgatsııalyq júıelerdi jańǵyrtý boıynsha sharalar kesheni qarastyrylatyn bolady. Atap aıtqanda, qosymsha halyqaralyq jáne tranzıttik baǵyttar ashyp, halyqaralyq reısterdi júzege asyratyn qazaqstandyq áýe tasymaldaýshylar parkin jańǵyrtyp, jańartýmen Nur-Sultan, Aqtóbe, Aqtaý, Almaty aerohabtary arqyly tranzıttiń servıstik ınfraqurylymyn damytý josparlanǵan.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT