+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Bıyl 685 aýyl Internet jelisine qosylady

2019 jylǵy 1 qazan 10:11
Bólisińiz:
Bıyl 685 aýyl Internet jelisine qosylady

NUR-SULTAN. QazAqparat - 2019 jyldyń sońyna deıin 685 aýyl Internet jelisine qosylady.

Uqsas jańalyqtar
2020 jyly búkil aýyldyq aýrýhanalar ınternetke qosylady 2,5 mln aýyl turǵyny keń jolaqty Internetke qol jetkizedi Qazaqstanda tuńǵysh ret 5G iske qosyldy

Bul týraly búgin Úkimet otyrysynda Qazaqstannyń eldi mekenderinde keń jolaqty Internetti damytý jóninde baıandamaǵan QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.

«Elbasynyń tapsyrmasyn jáne Tsıfrly Qazaqstan memlekettik baǵdarlamasyn iske asyrý aıasynda, biz Qazaqstan Respýblıkasynyń eldi mekenderin Internet qyzmetterimen qamtý boıynsha josparly jumystar júrgizip jatyrmyz. Qazirgi tańda elimizde 117 qala men 3 324 aýylda keń jolaqty Internet qol jetimdi. Ol ártúrli tehnologııalarmen qamtamasyz etilgen, solardyń ishinde talshyqty-optıkalyq jeli, 3G jáne 4G jelileri bar», -dedi ol.

Mınıstrdiń dereginshe, 2018 jyly Qazaqstan álemdik reıtıngte uıaly baılanys abonentteri boıynsha 21-shi orynǵa ıe boldy. Qazaqstanda Internet paıdalanýshylar sany 2018 jyly 81,3 paıyzǵa jetti jáne álemdik reıtıngte Qazaqstan 45-shi orynǵa kóterildi.

«Aýyldyq jerlerdi keń jolaqty Internetpen ary qaraı qamtý úshin 2018-2021 jyldarda talshyqty-optıkalyq jáne LTE (4G) jelilerin salý josparlanýda. Birinshi kezeń - talshyqty-optıkalyq jelilerdi salý. Jobany iske asyrý 1 250 aýyldyq eldi mekende joǵary jyldamdyqty Internet qyzmetterin usynýǵa múmkindik beredi. 2019 jylǵy 1-jarty jyldyqtaǵy jaǵdaı boıynsha talshyqty-optıkalyq jeliler 83 aýyldyq eldi mekende iske qosyldy. 2019 jyldyń sońyna deıin 685 aýyl Internet jelisine qosylady. Al 2020 jyly qalǵan 509 aýyldy qosý josparlanýda. Ekinshi kezeń - LTE (4G) standartyndaǵy mobıldi jelilerdi damytý arqyly 3 143 aýyldy, onyń ishinde 2019 jyly – 574, 2020 jyly – 1 046 jáne 2021 jyly – 1 523 aýyly Internetpen qamtý josparlanǵan», - dedi Asqar Jumaǵalıev.

Onyń sózine qaraǵanda, atalǵan jobalardy iske asyrý aıasynda 2020 jyldyń aıaǵyna deıin turǵyndardyń sany 250-den asatyn 880 aýyl keń jolaqty Internet jelisimen qamtylady. Sonymen qatar ary qaraı turǵyndardyń sany 50-den joǵary 885 aýyldy Internet jelisine qosý josparlanǵan. Nátıjesinde 2022 jyldyń sońyna deıin 5089 aýyldyq eldi meken Internet jelisine qosylady.

«Al qalǵan aýyldarǵa spýtnıktik baılanys arqyly Internet jelisin uıymdastyrýdyń tehnıkalyq múmkindigi qamtamasyz etiledi. Bul oraıda aýyldyq eldi mekenderdi Internet jelisine qosý Ulttyq ekonomıka mınıstrligimen jasalǵan perspektıvti aýyldar tizimine sáıkes oryndalady», - dedi mınıstr.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT