+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Bıyl 6 myńǵa jýyq túrkistandyq otbasy baspanaly bolmaq

2020 jylǵy 10 sáýir 22:51
Bólisińiz:
Bıyl 6 myńǵa jýyq túrkistandyq otbasy baspanaly bolmaq

TÚRKІSTAN OBLYSY. QazAqparat – Bıyl óńirde 6 myńǵa jýyq otbasy baspanaly bolmaq, bul týraly QazAqparat ákimdiktiń baspasóz qyzmetine silteme jasap habarlaıdy.

Aǵymdaǵy jyly Túrkistan oblysy boıynsha qarjylandyrýdyń barlyq kózderi arqyly 670 myń sharshy metr baspana tapsyrý josparlanýda. Bul degenimiz 6 myńǵa jýyq páter. Máselen, 2020 jyldyń qańtar-naýryz aıynyń qorytyndysymen 111,2 myń sharshy metr turǵyn úı (783 páter) paıdalanýǵa berilgen.

Sonymen qatar, biryńǵaı turǵyn úı saıasatyn iske asyrý boıynsha 2020 jyly oblysta 30 nysannyń qurylysy júrgizilýde. Jyl qorytyndysymen 28 nysan paıdalanýǵa tapsyrylady.

Al, oblys ortalyǵy Túrkistan qalasynda memlekettik bıýdjet esebinen kredıttik 88 turǵyn úıdiń qurylysy júrgizilýde, jyl sońynda onyń 24-i paıdalanýǵa tapsyrylady. Budan bólek, jeke salymshylar tarapynan 37 turǵyn úıdiń qurylys jumystary júrgizilýde, jyl sońyna deıin 31 úı paıdalanýǵa tapsyrylady. Jalpy oblys ortalyǵynda bıyl 184, 01 myń sharshy metr, ıaǵnı 2592 páter paıdalanýǵa beriledi.

Elimizde dúnıejúzilik COVID-19 koronavırýstyq ınfektsııasynyń aldyn alý maqsatynda, oblys kólemindegi qurylys nysandarynda ınfektsııasynyń aldyn alýǵa qajetti jabdyqtarmen qamtamasyz etilip, saqtyq sharalarynyń júrgizilip jatqanyna oblys ákimdigi tarapynan kúndelikti baqylaý júrgizilýde.

Jumysshylar tıisti barlyq saqtyq sharalaryn qatań ustanyp jumys isteýde. Túrkistan qalasynda qurylysy toqtaǵan nysandar joq.


Bizdiń kanalymyzǵa jazylyńyz:

Basty sózder: Túrkistan oblysy, Turǵyn úı,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT