Bıyl 22 iri sút-taýarlary fermasy óz jumysyn bastaıdy – AShM

NUR-SULTAN. QazAqparat - Birinshi jartyjyldyqta Qazaqstanda 6 iri sút fermasy iske qosyldy. Bıylǵy jyl sońyna deıin elimizde taǵy osyndaı 16 sút fermasy paıdalanýǵa berilmek, dep habarlaıdy QazAqparat tilshisi.

Uqsas jańalyqtar

Jetisaılyq dıqandar qyryqqabat egýdi bastady

Aqmola oblysynda ótken jyly aýyl sharýashylyǵy boıynsha 40 joba iske asyryldy SQO-da sharýa qojalyǵy baldyr ósirip, jemazyq retinde qoldanýda Amerıkalyq «Valmont Industries» Qazaqstanda aldyńǵy qatarly sýarý júıeleri zaýytyn ashady

Buǵan deıin belgili bolǵandaı, QR Aýyl sharýashylyǵy mınıstrliginiń aldyna sút ónimderinen ımportty almastyrý boıynsha úlken mindet qoıylǵan edi. Osy jospardyń aıasynda Aýyl sharýashylyǵy mınıstrligi jyl saıyn 25 ónerkásiptik sút fermasyn paıdalanýǵa berý boıynsha belsendi jumys júrgizýde.

Aǵymdaǵy jyldyń alǵashqy alty aıynyń qorytyndysy boıynsha 3810 bas iiri qara malǵa arnalǵan 6 sút fermasy iske qosyldy. Olardyń beseýi Almaty oblysynda ornalasqan: «Aqsút LLC» JShS STF jáne «Fırma Aprel», «Almaty» Plemzavod», «Qarabasova» jáne «Sadyhan» ShQ.

Sonymen qatar, Túrkistan oblysynda sút taýarlary fermasyn keńeıtý jobasy aıasynda 1600 basqa arnalǵan «Qazyna jer» JShS ashyldy.

Sondaı-aq, Aýyl sharýashylyǵy mınıstrliginiń bastamasy boıynsha Indýstrııa jáne ınfraqurylymdyq damý mınıstrligi STF qurylysy jobalaryna saraptama júrgizý rásimin jeńildetkenin atap ótken jón.

Aıta ketsek, iri qara maldar sany 1500-ge deıingi sút óndirýge arnalǵan mal sharýashylyǵy keshenderin jaýapkershilik deńgeıine jatatyn ǵımarattar men qurylystardy tehnıkalyq nemese tehnologııalyq turǵydan kúrdeli nysandarǵa jatqyzýdyń jalpy tártibin aıqyndaý qaǵıdalaryna túzetýler engizildi.

Bul memlekettik monopolııaǵa qatysty keshendi vedomstvolyq emes saraptamadan ótý mindettemesin joqqa shyǵarady. Osylaısha, jobanyń tapsyrys berýshilerine (fermerlerine) kez kelgen akkredıttelgen saraptamalyq uıymdy TEN nemese jobalyq-smetalyq saraptama júrgizý úshin tańdaýǵa múmkindik beriledi. Bul protsesterdi jedeldetýge jáne qurylysqa qajetti qujattardy daıyndaý shyǵyndaryn azaıtýǵa múmkindik beredi.

Esterińizge salsaq, buǵan deıin fermerler keshendi vedomstvodan tys saraptamadan ótken kezde mal sharýashylyǵy jobalaryn iske asyrýdyń quny men qymbattaýy týraly birneshe ret shaǵymdanǵan bolatyn.