Bıyl 11 myńǵa jýyq ınternet-qylmys tirkeldi – QR ІІM
2022 jylǵy 16 tamyz 22:42

Bıyl 11 myńǵa jýyq ınternet-qylmys tirkeldi – QR ІІM

NUR-SULTAN. QazAqparat – Qazaqstanda ınternet arqyly jasalatyn qylmystar jyl sanap artyp keledi. Bul týraly QR Іshki ister mınıstrligi Krımınaldyq polıtsııa departamenti kıberqylmysqa qarsy kúres ortalyǵynyń basshysy Jandos Súıinbaı málim etti, dep habarlaıdy QazAqparat tilshisi

«Internet-alaıaqtyq problemasymen biz ǵana emes, álem bolyp kúresýde. Aqparattyq tehnologııalardyń damýymen birge qylmyskerler de alaıaqtyq áreketterin qosa jetildirip jatyr. Іshki ister mınıstrliginde ınternet-qylmysqa qarsy kúres jumysyn júrgizetin arnaıy bólim bar. Sonymen qatar ınternet-qylmys jáne alaıaqtyqpen kúres bólimi elimizdiń barlyq óńirinde jumys isteıdi. Bıyl 7 aıdyń ishinde 11 myńǵa jýyq qylmys tirkeldi», - dedi Jandos Súıinbaı «Atameken Business» telearnasyna bergen suhbat barysynda.

Onyń aıtýynsha, elimizde jyl sanap ınternet arqyly jasalatyn qylmystyń kólemi ósip keledi.

«Ótken jyldyń qorytyndysy boıynsha el boıynsha 13 myń ınternet qylmysy tirkeldi. Halyqty ınternet qylmysy men alaıaqtyq áreketterden qorǵaý jáne eskertý maqsatynda profılaktıkalyq is-sharalar turaqty ótip turady. Atqarylyp jatqan jumystarǵa qaramastan, bul qylmystar tirkelip jatyr», - deıdi ol.

Eske sala ketsek, buǵan deıin kıbershabýyldan qorǵanýǵa qatysty QazAqparattyń sarapshysy kólemdi materıal ázirlegen edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT