+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Bıyl 1,2 mln qazaqstandyq turǵylyqty jerine onlaın tirkelgen

2020 jylǵy 22 qyrkúıek 11:48
Bólisińiz:
Bıyl 1,2 mln qazaqstandyq turǵylyqty jerine onlaın tirkelgen

NUR-SULTAN. QazAqparat - Jyl basynan beri 1,2 mıllıonnan astam qazaqstandyq turǵylyqty jeri boıynsha elektrondy úkimet portaly arqyly tirkeýge turdy. Bul rette 699 myń qyzmet alýshy HQO-ǵa baryp tirkelýdi jón kórgen, dep habarlaıdy QazAqparat.

Osylaısha, 2020 jyly egov.kz portalyndaǵy «Qazaqstan Respýblıkasy azamattaryn turǵylyqty jer boıynsha tirkeý» qyzmetine suranys eki esege jýyq óskeni baıqalady.

Ótken jyldyń sáıkes merzimi ishinde kórsetkish túbegeıli basqa bolǵan. HQO arqyly 2,1 mıllıonnan astam qyzmet alynsa, 726 myń tirkeý elektrondyq úkimet portalynda júzege asqan.

«Azamattarǵa arnalǵan úkimet» memlekettik korporatsııasynyń basqarma tóraıymy Ásemgúl Baltashevanyń aıtýynsha, elektrondy qyzmetterge degen suranystyń kúrt ósýi COVID-19 pandemııasy men tótenshe jaǵdaı kezinde halyqqa qyzmet kórsetý ortalyqtarynyń jabylýyna baılanysty. «Pandemııa elektrondy qyzmetterdiń damýyna úlken serpin berdi. Eger buryn úlkeni de, kishisi de qarapaıym anyqtamalar úshin halyqqa qyzmet kórsetý ortalyǵyna barýdy jón kóretin bolsa, karantın jaǵdaıynda densaýlyqtaryna alańdaǵan azamattar memlekettik qyzmetterdi óz betinshe onlaın túrde ala bastady. Kún saıyn myńdaǵan adam qyzmet alýǵa keletin memlekettik qyzmetterdiń biryńǵaı provaıderi retinde bul bizdi óte qýantyp otyr. Azamattarǵa budan da kúrdeli qyzmetterdi usyný múmkindigi jasalýda», – dedi Baltasheva.

Egov.kz elektrondy úkimet portalynda turǵylyqty jeri boıynsha tirkelý úshin ótinish berýshiniń jáne jyljymaıtyn múlik ıesiniń elektrondyq tsıfrlyq qoltańbasy bolýy kerek. Tirkelýshi azamat ótinish jasap, múlik ıesi ony rastaýy qajet. Turǵyndardy tirkeý qyzmetin «Azamattyq, mıgratsııa jáne ımmıgratsııa» – «Halyqty tirkeý jáne tirkeý esebinen shyǵarý» bóliminen tabýǵa bolady.

Eske salaıyq, 2019 jyldyń maýsym aıynan bastap azamattardy turǵylyqty jeri boıynsha tirkeý qyzmetin «Azamattarǵa arnalǵan úkimet» memlekettik korporatsııasynyń qyzmetkerleri júzege asyra bastady.

Bul halyqqa qyzmet kórsetý ortalyqtarynyń jumys kestesine sáıkes tirkeý qyzmetterin usynýǵa múmkindik berdi, ıaǵnı tańǵy 9.00-den keshki 20.00-ge deıin túski úzilissiz, sondaı-aq kóshi-qon polıtsııasynyń derekter bazasyna tirkeý múmkindigi bar qyzmetkerlerdiń sanyn kóbeıtip, osy qyzmet túrine kezekti azaıtty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT