Bishkektegi mıtıngte jaraqat alǵan 16 adam aýrýhanaǵa jetkizildi

BІShKEK. QazAqparat - Bishkektegi mıtıng kezinde jaraqat alǵan 16 adam aýrýhanaǵa jetkizildi, dep habarlaıdy QazAqparat Kabar agenttigine silteme jasap.

Shuǵyl málimetke sensek, Bishkek statsıonarlaryna 16 adam túsken. Bul jaıynda agenttikke Qyrǵyzstannyń Densaýlyq saqtaý mınıstrligi habarlaǵan.

Bishkek ýaqytymen saǵat 22:00 kezindegi aqparat boıynsha, Bishkektiń travmatologııa jáne ortopedııa ǵylymı-zertteý ortalyǵyna túrli jaraqatpen 4 adam jetkizilgen.

Densaýlyq saqtaý mınıstrligi janyndaǵy Ulttyq kospıtalde 10 adam em alyp jatyr. Al qalalyq klınıkalyq aýrýhanaǵa mıtıngte zardap shekken 2 naýqas jatqyzylǵan.

«Jaraqattyń sıpaty naqtylanyp jatyr, ol jaıly keıin tolyǵyraq habarlanady» dep atap ótti mınıstrlik.

Eske sala keteıik, búgin Bishkekte Jogorký Kenesh depýtattarynyń saılaýyna kóńili tolmaǵan bir top adam ortalyq alańda mıtıng uıymdastyryp, odan keıin Aq úıge bettedi. Olardy qýý úshin mılıtsııa kóz jasaýratatyn gaz qoldanǵan.