+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Bishkekte Túrki akademııasy basyp shyǵarǵan kitaptardyń tusaýkeseri ótti

2019 jylǵy 26 qarasha 15:10
Bólisińiz:
Bishkekte Túrki akademııasy basyp shyǵarǵan kitaptardyń tusaýkeseri ótti

BІShKEK. QazAqparat – Bishkekte Qazaq-qyrǵyz zııalylarynyń IV forýmynda Halyqaralyq Túrki akademııasy basyp shyǵarǵan úsh jańa kitaptyń tusaýkeser rásimi ótti.

Osy jolǵy jıyn «Bekem baýyrlastyq baılanystar» taqyrybyna arnaldy, dep habarlaıdy QazAqparat tilshisi.

Búgingi jıyn QR Prezıdenti Qasym-Jomart Toqaevtyń Qyrǵyz eline memlekettik sapary qarsańynda ótip jatyr.

Atap aıtqanda, O.Karaevtyń «Chagataıskıı ýlýs. Gosýdarstvo Haıdý. Mogýlıstan» atty eńbegi, qazaq tiline alǵash ret tolyq aýdarylyp basylǵan qyrǵyz halqynyń tarıhı dastany «Er Esim» jáne Z.K.Kýrmanovtyń «Kyrgyzskıı fılıal partıı «Alash»: sozdanıe, deıatelnost, sýdba» atty kitaptary kópshilik nazaryna usynyldy.

«Búgingi jıynǵa arnaıy ázirlep ákelgen úsh kitabymyz bar. Bul kitaptar búgingi forýmnyń mánisi men maǵynasyna saı kelip tur», - dedi Halyqaralyq Túrki Akademııasynyń prezıdenti Darhan Qydyráli.

Aıta keteıik, alqaly jıynǵa QR Prezıdentiniń kómekshisi Máýlen Áshimbaev, Qyrǵyz Respýblıkasy Prezıdentiniń keńesshisi Sultan Raev, Qyrǵyz Respýblıkasy Bilim jáne ǵylymı mınıstri Kanybek Isakov, Qazaqstan Respýblıkasynyń Qyrǵyz Respýblıkasyndaǵy Tótenshe jáne Ókiletti Elshisi Qaırat Nurpeıisov, Qyrǵyz Respýblıkasynyń Jogorký Kenesh depýtattary, belgili memleket jáne qoǵam qaıratkerleri, eki eldiń tanymal ǵalymdary, akademıkter, ǵylymı ınstıtýt basshylary, zııaly qaýym ókilderi qatysty.

Qazaq-qyrǵyz zııalylarynyń alǵashqy basqosýy Túrki akademııasynyń bastamasymen 2018 jyldyń sáýir aıynda Nur-Sultan qalasynda ótken bolatyn. Budan keıin týysqan eki eldiń yntymaqtastyǵyna aıryqsha yqpal etken ıgi shara sol jylǵy qazan aıynda Osh qalasynda jalǵasyn tapty.

Sonymen qatar, Uly dalanyń máńgilik mırasy «Manas» dastany men kórnekti ǵalym Shoqan Ýálıhanov taǵylymyna arnalǵan úshinshi forým bıylǵy maýsym aıynda Jetisý jerinde, Taldyqorǵan qalasynda uıymdastyryldy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT