Bishkekte saılaý qorytyndysyna kóńili tolmaǵandar Aq úıdi qorshap aldy
2020 jylǵy 5 qazan 21:08

Bishkekte saılaý qorytyndysyna kóńili tolmaǵandar Aq úıdi qorshap aldy

BІShKEK. QazAqparat - Bishkekte Jogorký Kenesh depýtattarynyń saılaýyna kóńili tolmaǵan bir top adam Aq úıge shabýyldap jatyr. Olardy mılıtsııa qýa bastady, dep habarlaıdy QazAqparat Kabar agenttigine silteme jasap.

Dál qazirgi sátte atylǵan qarýdyń daýsy estilip jatyr. Sondaı-aq kóz jasaýratatyn gaz qoldanylǵany kórinip tur. Aq úıdiń aınalasyn kúsh qurylymdarynyń qyzmetkerleri qorshap alǵan.

Іshki ister mınıstrliginiń habarlaýynsha, mıtıng qatysýshylarynyń arasynda spırtti ishimdik ishken adamdar da bar, sondyqtan polıtseıler halyqty úıdi-úıine taraýǵa shaqyrǵan.

«Halyqtyń densaýlyǵyna qaýip tóndiretin nemese basqa da destrýktıvti jaǵdaılar týyndasa, búkil jaýapkershilik mıtıngti uıymdastyrǵandarǵa artylatynyn eske salamyz. Uıymdastyrýshylardyń arasynda birneshe partııanyń lıderleri men olardyń belsendi músheleri bar. Sondyqtan azamattardyń qaýipsizdigin saqtap, olardyń mazasyn almas úshin narazylyq bildirýshilerdi taraýǵa shaqyramyz» delingen ІІM habarlamasynda.

Aıta keteıik, 4 qazanda ótken saılaý qorytyndysyna narazylyq bildirgen adamdar Ala-Too alańyna shyǵyp, mıtıng ótkizgen bolatyn.


Avtor:
Tilshi

Jańalyqtar

MURAǴAT