Birjolǵy zeınetaqy tólemin alýdyń shekti mólsheri ózgertildi
NUR-SULTAN. QazAqparat – 2022 jyly birjolǵy zeınetaqy tólemin alýdyń jetkiliktilik shegi 1,8 ese kóteriledi, dep habarlaıdy QazAqparat tilshisi.
Bul týraly Biryńǵaı jınaqtyq zeınetaqy qorynyń resmı saıty jazdy.
Bul sheshimdi zeınetaqy qory bylaı dep túsindiredi. QR «Qazaqstan Respýblıkasynda zeınetaqymen qamsyzdandyrý týraly» Zańynda: «zeınetaqy jınaqtarynyń eń tómen jetkiliktiliginiń shegi - Qazaqstan Respýblıkasynyń Úkimeti bekitken ádistemege sáıkes aıqyndalatyny aıtylǵan.
Tómen jınaqtyq shekti aıqyndaý ádistemesi Qazaqstan Respýblıkasy Úkimetiniń 2013 jyldyń 2 qazanyndaǵy №1042 qaýlysymen (2021 jyldyń 6 qańtaryndaǵy ózgeristerimen jáne tolyqtyrýlarmen) bekitilgen.
Ádisteme boıynsha tómen jınaqtyq shek mólsheri jınaq ıesiniń jasyna qaraı esepteledi jáne bolashaq zeınetaqy tólemderi men zeınetaqy jarnalarynyń ósýin (ındekstelýin) eskeredi. Bul rette QR «Respýblıkalyq bıýdjet týraly» Zańyna sáıkes, jyl saıyn ındeksteletin eń tómengi jalaqy (ETJ), eń tómengi zeınetaqy (ETZ), eń tómengi kúnkóris deńgeıi (ETKD) sııaqty áleýmettik kórsetkishter qoldanylady. Osyǵan baılanysty tómen jınaqtyq shek mólsherin esepteý jyl saıyn atalǵan kórsetkishterdiń ósýin eskere otyryp júrgiziledi.
2022 jylǵa áleýmettik kórsetkishter mólsheri ulǵaıtylǵandyqtan, atap aıtqanda, eń tómengi jalaqy mólsheri 2021 jylǵy 42 500 teńgeden 2022 jyly 60 000 teńgege deıin (nemese 41%) ósti.
Biryńǵaı jınaqtyq zeınetaqy qory osyny eskerip, 2022 jylǵa tómen jınaqtyq shek mólsherin de kóbeıtken.
2022 jyldan bastap bul mólsher ár jas boıynsha mynadaı kólemde esepteledi:
| Jas erekshelikteri | TJSh, teńgemen |
| 20 | 3 140 000 |
| 21 | 3 250 000 |
| 22 | 3 370 000 |
| 23 | 3 490 000 |
| 24 | 3 610 000 |
| 25 | 3 730 000 |
| 26 | 3 860 000 |
| 27 | 3 980 000 |
| 28 | 4 110 000 |
| 29 | 4 240 000 |
| 30 | 4 370 000 |
| 31 | 4 510 000 |
| 32 | 4 640 000 |
| 33 | 4 780 000 |
| 34 | 4 920 000 |
| 35 | 5 060 000 |
| 36 | 5 200 000 |
| 37 | 5 350 000 |
| 38 | 5 490 000 |
| 39 | 5 640 000 |
| 40 | 5 790 000 |
| 41 | 5 950 000 |
| 42 | 6 100 000 |
| 43 | 6 260 000 |
| 44 | 6 420 000 |
| 45 | 6 580 000 |
| 46 | 6 750 000 |
| 47 | 6 920 000 |
| 48 | 7 090 000 |
| 49 | 7 260 000 |
| 50 | 7 430 000 |
| 51 | 7 610 000 |
| 52 | 7 790 000 |
| 53 | 7 970 000 |
| 54 | 8 150 000 |
| 55 | 8 340 000 |
| 56 | 8 530 000 |
| 57 | 8 720 000 |
| 58 | 8 920 000 |
| 59 | 9 120 000 |
| 60 | 9 120 000 |
| 61 | 9 120 000 |
| 62 | 9 120 000 |
