+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Birjan Nurymbetov qostanaılyqtarǵa shaǵyn kásipkerlik tetikterin túsindirdi

2019 jylǵy 23 qarasha 19:29
Bólisińiz:
Birjan Nurymbetov qostanaılyqtarǵa shaǵyn kásipkerlik tetikterin túsindirdi

QOSTANAI. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov óńirdegi «Eńbek» memlekettik baǵdarlamasynyń oryndalýymen tanysyp, jas kásipkermen kezdesti, dep habarlaıdy QazAqparat.

Uqsas jańalyqtar
Tatıana Chýchýpalova: Ár otbasynyń úıinde tekemet pen quraq bolýy kerek Elektrondyq saýdada jumys isteıtin kásipkerlerdi daıyndaımyz - Saýda vıtse-mınıstri Ortaq platforma arqyly aýyl sharýashylyǵy men iri saýda jelileri baılanys ornatty - Ásel Janasova

Eske salaıyq, QR Premer-Mınıstriniń orynbasary Berdibek Saparbaev bastaǵan Úkimettik delegatsııasy Qostanaı oblysyna keldi. Keshe meımandar balǵyn fýtbolshylardyń jattyǵý alańyna bardy.

Búgin QR Eńbek jáne halyqty áleýmettik qorǵaý mınıstri Birjan Nurymbetov oblystaǵy «Eńbek» jáne nátıjeli jumyspen qamtýdy damytý baǵdarlamasyna qatysýshylardyń jumystaryna kýá boldy. Máselen, balalaryn jalǵyz asyrap kele jatqan Elena Shýlga memleketten 7,5 mıllıon teńge kóleminde shaǵyn nesıe alyp, kosmetologııa salonyn ashqan. Birjan Nurymbetovtiń aıtýynsha, Elena kedeıliktiń shegin eńserip qana qoımaı, salonda manıkıýr sheberleri bolyp jumys isteıtin eki adamdy jumyspen qamtamasyz etip otyr.

«Sizder «Eńbek» memlekettik baǵdarlamasynyń múmkindikterin paıdalanýdyń óte jaqsy úlgisin kórsetip otyrsyzdar. Jeke bıznesińizdi keńeıtip qana qoımaı, sonymen qatar buryn turaqty tabysy bolmaǵan eki otbasyna turaqty jumys berip otyrsyz. Bul – memlekettik baǵdarlamaǵa qatysýshynyń óz isin damytyp, basqalarǵa jumys usynýynyń jarqyn mysaly. Jumyssyz júrgen azamattardy memleket berip otyrǵan múmkindikterdi paıdalanýǵa shaqyramyn. Bıznes ár adamnyń qolynan keledi», – dep atap ótti Birjan Nurymbetov.

QR Eńbek mınıstri Fedorov aýdanynyń halyqty jumyspen qamtý ortalyǵyna baryp, QR Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirdi, sondaı-aq jumyssyzdardy memlekettik qoldaý sharalary týraly egjeı-tegjeıli aıtyp berdi. Memleket basshysynyń kópbalaly analardy shaǵyn bızneske tartý jónindegi tapsyrmasyn iske asyrý úshin «Eńbek» baǵdarlamasyna ózgerister engiziletinin málim etti.

«Jańa bıznestiń turaqtylyǵyn qamtamasyz etý úshin kópbalaly otbasylardyń jobalaryna mıkrokredıt berý merzimin uzartý usynylady. Nesıeni óteý kezinde qarjylyq aýyrtpalyqty azaıtý úshin nomınaldy paıyzdyq mólsherlemeni tómendetýdi usynamyz. Jetkilikti kepildik qamtamasyz etilmegen otbasylar úshin aýyldar men qalalarǵa bólinbesten bir operator arqyly mıkrokredıtterge kepildik berý tetikterin keńeıtý josparlanýda», – dedi mınıstr.

Eske sala keteıik, buǵan deıin Birjan Nurymbetov Almaty, Shymkent qalalary men Shyǵys Qazaqstan, Qaraǵandy, Atyraý, Batys Qazaqstan, Túrkistan, Aqtóbe, Pavlodar, Aqmola, Almaty Soltústik Qazaqstan oblystarynda Qazaqstan Respýblıkasy Prezıdentiniń Qazaqstan halqyna Joldaýyn túsindirgen bolatyn.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT