+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Birjan Nurymbetov: Kez kelgen qurylysty bastarda múgedekterge jaıly bolýyn eskerý kerek

2019 jylǵy 4 qarasha 14:22
Bólisińiz:
Birjan Nurymbetov: Kez kelgen qurylysty bastarda múgedekterge jaıly bolýyn eskerý kerek

NUR-SULTAN. QazAqparat – Eńbek jáne halyqty áleýmettik qorǵaý mınıstri Birjan Nurymbetov kez kelgen ǵımarattyń qurylysyn bastarda eń aldymen onyń múgedek jandarǵa jaılylyǵyn eskerý kerektigin aıtyp ótti, dep habarlaıdy QazAqparat tilshisi.

Uqsas jańalyqtar
Elordada ınvataksı kóliginiń sany artty Múgedekterdi jumysqa qabyldaǵan kásipkerlerdiń shyǵyny sýbsıdııalanady Múgedek arbasy armanǵa jetýge kedergi bola almaıdy - Erlan Ádilbekov

«Múmkindigi shekteýli jandarǵa bizdiń elimizde birshama jaǵdaı jasalyp jatyr. Járdemaqysy tólenip, basqa da sharalar qolǵa alynyp jatqanymen, bul jetkiliksiz. Mysaly, 2025 jylǵa deıingi Ulttyq jospardyń qabyldanǵanynan habardar shyǵarsyzdar. Sonyń jeti baǵyty bar. Eń bastysy, múmkindigi shekteýli jandarǵa qoljetimdi ortany qalyptastyrý kerek. Qazir biz bir múgedek janǵa jumys taýyp berip jatsaq, álgi adam ǵımaratqa kire almaı qıyndyqqa tap bolady. Ǵımarattyń bárinde lıft joq. Sondyqtan, bul jerde jumys berýshiniń de jaýapkershiligi bar», - dedi Birjan Nurymbetov «Nur Otan» partııasynyń respýblıkalyq qoǵamdyq qabyldaýyna kelgen «Mıras» qorynyń prezıdenti Júzbaı Serikulymen kezdesý barysynda.

Onyń aıtýynsha, áleýmettik sala qyzmetkerleri múgedek jandarǵa kez kelgen ǵımaratqa ońaı kire alýyn teksergen. Nátıjesinde birshama jumys berýshige aıyppul da salynǵan.

«Áıtse de, másele aıyppul salýmen sheshilmeıdi. Eń aldymen, qoǵamnyń pikirin ózgertý kerek. Kez kelgen qurylysty bastaǵan kezde osy talaptar birinshi kezekte qoıylýy kerek. Múgedekter arbasymen keletinder, zaǵıp jandar bar. Baǵdarsham men jaıaý júrginshiler jolynda da olarǵa tıisti jaǵdaı jasalýy tıis. Josparǵa sáıkes, sonyń bárin retke keltirý máselesi boıynsha jumys júrgizemiz. 2019 jylǵa osy baǵytta 18 mlrd teńge qarajat bólindi. Sondyqtan, bul problemanyń baryn bilemin», - dedi Birjan Nurymbetov.

Aıta ketsek, Eńbek jáne halyqty áleýmettik qorǵaý mınıstrimen búgingi kezdesý barysynda «Mıras» qorynyń prezıdenti Júzbaı Serikuly Zaǵıptar úıiniń jobasyn tanystyrǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT