Biryńǵaı valıýtalyq odaq qurý qarastyrylǵan emes - Erbolat Dosaev

NUR-SULTAN. QazAqparat – QR Ulttyq bank tóraǵasy Erbolat Dosaev EAEO-nyń biryńǵaı valıýtasyn engizý resmı qujatta múldem eskerilmegenin aıtty, dep habarlaıdy QazAqparat tilshisi.

Uqsas jańalyqtar

Qazaqstan ekonomıkalyq erkindik deńgeıi boıynsha álem elderi arasynda 40 orynda tur

Keles aýdanynda quny 1 mlrd teńgeniń jobalary iske qosylady Ulttyq bankte aqsha-kredıt saıasaty jónindegi komıtet quryldy Dollar arzandap, teńge nyǵaıdy

«Kelisimde ekonomıkalyq odaqty qurý ıdeıasy negiz bolǵany naqty kórsetilgen, ıaǵnı valıýtalyq odaqty qurý múldem eskerilmegen. Bul biryńǵaı valıýtaǵa qatysty qaýeset qaıta-qaıta paıda bolýda, osyǵan baılanysty suraqtardy túrli formada meniń ózime de qoıyp jatady. Atap aıtqanda, biryńǵaı valıýtalyq odaqty, biryńǵaı valıýtany qurý kelisimde qarastyrylmaǵan», - dep naqtylady E. Dosaev Parlament Májilisinde tilshiler saýalyna jaýap bere otyryp.

Osy oraıda ol EAEO-ǵa múshe árbir el aqsha-nesıelik saıasaty máselelerinde derbes ekenin atap ótti.

«Sondyqtan tutas qarjylyq táýelsizdik Eýrazııalyq ekonomıkalyq odaqtyń árbir qatysýshysynda jekeleı saqtalady», - dep atap ótti ol.

Budan buryn habarlanǵandaı, Parlament Májilisiniń jalpy otyrysynda «Eýrazııalyq ekonomıkalyq odaqqa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkatsııalaý týraly» zań jobasy maquldandy.