+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Birtanov: Qazaqstanda týberkýlezge qarsy kúrestiń sapasy artady

2019 jylǵy 19 maýsym 11:23
Bólisińiz:
Birtanov: Qazaqstanda týberkýlezge qarsy kúrestiń sapasy artady

NUR-SULTAN. QazAqparat - Elordada Ortalyq Azııadaǵy týberkýlezdi ıntegratsııa jolymen baqylaý jumysy boıynsha halyqaralyq konferentsııa ótip jatyr, dep habarlaıdy QazAqparat tilshisi.

Halyqaralyq konferentsııa QR Densaýlyq saqtaý mınıstrligi, Halyqaralyq damý boıynsha AQSh Agenttigi (USAID), Ulttyq ǵylymı ftızıopýlmonologııa ortalyǵy men JITS-pen, týberkýlez jáne bezgekpen kúres jahandyq qorynyń uıymdastyrýymen ótkizilýde. Sharaǵa qazaqstandyq jáne Ortalyq Azııa elderinen, basqa da shet memleketterden sarapshylar kelgen.

«Qazirgi tańda Qazaqstanda týberkýlezge qarsy kúres júrgizý sapasyn arttyrý baǵytynda jumys júrgizilip jatyr. Osy maqsatta týberkýlezdi ıntegratsııa jolymen baqylaý modeli engizilýde. Oǵan atalmysh aýrýmen kúresýdiń barlyq amal-ádisteri kiredi. Dúnıejúzilik densaýlyq saqtaý uıymy men Halyqaralyq týberkýlezben jáne ókpe aýrýlarymen kúres odaǵynyń saıasatyn ustana otyryp, týberkýlezge qarsy kúres boıynsha sharalar bastapqy medıtsınalyq-sanıtarlyq kómek jelisine kiriktirilgen», - dedi Eljan Birtanov halyqaralyq konferentsııa barysynda.

Mınıstrdiń aıtýyna qaraǵanda, qazirgi tańda elimizde týberkýlezben aýyratyndardy emdeý úshin dári-dármekke qarajat burynǵydan kóptep bóline bastaǵan.

«Infektsııalyq baqylaý sharalary kúsheıtildi. Dıagnostıka men týberkýlezden emdeýdiń ınnovatsııalyq ekspress-amaldary engizilýde. Jýyq arada osyndaı keshendi sharalardyń barlyǵy Qazaqstandaǵy týberkýlezdi joıýǵa barynsha kómek bolar degen senimdemin», - dedi ol.

Al Ortalyq Azııadaǵy USAID aımaqtyq mıssııasynyń dırektory Krıstofer Edvardstyń aıtýynsha, elordadaǵy halyqaralyq forým Ortalyq Azııa memleketteriniń úkimetteri men azamattyq sektory aýrýdyń bul túrin eńserýge barynsha kúsh salyp jatqanyn kórsetedi.

«Týberkýlez - ólimge ákeletin, alaıda ýaqtyly shara qoldansa, emdeletin syrqat. AQSh sońǵy 20 jylda ortalyqazııalyq memlekettermen bul baǵytta seriktestikti nyǵaıtyp jatyr. Bizdiń birlesken jumysymyzdyń arqasynda sapaly medıtsınalyq qyzmetke qoljetimdilik artyp, ótken on jyldyqtarǵa qaraǵanda týberkýlezden keletin ólim-jitim jaǵdaılary, jalpy syrqattaný jaǵdaılary tómendeı tústi», - deıdi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT