Birtanov isi: Sot Densaýlyq saqtaý mınıstrliginiń ókilin aldyn ala tyńdaý protsesinen shettetti

NUR-SULTAN. QazAqparat – Burynǵy Densaýlyq saqtaý mınıstri Eljan Birtanovtyń isi boıynsha aldyn ala sot tyńdaýynan Densaýlyq saqtaý mınıstrliginiń bir ókili shettetildi, dep habarlaıdy.

Aldyn ala tyńdaý barysynda Nur-Sultan qalasy Saryarqa aýdandyq №2 sotynyń sýdıasy Ibragım Álkenov aıyptalýshy taraptan aıyptaý qujattaryna qatysty qandaı da bir qarsylyq, shaǵymdary bar-joǵyn surady.

Sottalýshylar Eljan Birtanov pen onyń orynbasary bolǵan Oljas Ábishevtiń advokattary aıyptaý materıalymen tanysyp úlgermegenin aıtyp, isti memlekettik aıtyptaýshylarǵa qaıtarý týraly usynys berdi.

Oljas Ábishevtiń advokaty Sársen Tólentaev aıyptaý materıalymen tolyq tanysyp shyǵý úshin keminde bir jyl ýaqyt kerek ekenin aıtty.

Aıta keteıik, 17 qańtarda burynǵy Densaýlyq saqtaý mınıstri Eljan Birtanovtyń ústinen qozǵalǵan qylmystyq is sotqa túskeni týraly habar taraǵan bolatyn.

Al 20 qańtarda atalmysh is boıynsha aldyn ala tyńdaý 26 qańtarda ótetini belgili boldy.

Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.