+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Birneshe kúnnen beri aýyzsýsyz otyrǵan Kókshetaý turǵyndaryna erteń sý beriledi

2021 jylǵy 16 qyrkúıek 21:40
Bólisińiz:
Birneshe kúnnen beri aýyzsýsyz otyrǵan Kókshetaý turǵyndaryna erteń sý beriledi

KÓKShETAÝ. QazAqparat - Birneshe kúnnen beri sýsyz otyrǵan aýdan turǵyndaryna erteń tańerteń sý beriledi. Bul týraly jýrnalıstermen ótken brıfıngte «Kókshetaý sý arnasy» kommýnaldyq kásipornynyń bas dırektory Ermek Ómirǵalıev málim etti, dep habarlaıdy QazAqparat tilshisi.

Ermek Ómirǵalıevtiń aıtýynsha, Kókshetaý toptyq sý qubyrynan sý berýdi toqtatqannan keıin 7 qyrkúıekten bastap qazirgi ýaqytqa deıin «Kókshetaý sý arnasy» kommýnaldyq kásiporny Shaǵalaly sý qoımasynan sý berý kólemin 15 myń tekshe metrden 26 myń tekshe metrge deıin ulǵaıtqan.

«Qazirgi kezde sý Elenovka aýylyna berildi. Bul qaladan shamamen 35 shaqyrym. Qazir tehnologııalyq protsess júrip jatyr, biraq bizdegi aqparat boıynsha qalaǵa sý erteń tańerteń beriledi. Aldymen aldyn-alý jumystary júrgiziledi, sodan keıin toltyrý, tazartý, qalpyna keltirý jáne qaıtadan toltyrý. Osydan keıin qalaǵa bizdiń tazartý qondyrǵylarymyzǵa sý beriledi», – dedi Ermek Ómirǵalıev.

Ol atap ótkendeı, qazirgi kezde qalada sý tasymaldaýǵa 60 birlik tehnıka jumyldyrylyp otyr.

«Turǵyndardan túsken barlyq ótinimderdi qamtýǵa tyrysýdamyz. Sý tazartý nysandaryn biz daıyndap qoıdyq», - dep tolyqtyrdy kásiporyn basshysy.

Osy rette, qala ákiminiń orynbasary Baýyrjan Ernazarov Kókshetaý turǵyndaryn aýyz sýmen turaqty qamtamasyz etý úshin kelip túsken aqparatty nazarǵa ala otyryp, «Kókshetaý sý arnasy» kommýnaldyq kásiporny qoldanystaǵy rezervýarlarǵa 48 myń tekshe metr sý qoryn qamtamasyz etkenin, sondaı-aq, qabyldanǵan sharalar toptyq sý qubyrynan sý berýdi toqtatqan sátten bastap sýdyń turaqty berilýin qamtamasyz etýge múmkindik bergenin atap ótti.

Eske salsaq, osydan birneshe kún buryn Kókshetaý qalasyndaǵy Saryarqa, Jaılaý shaǵynaýdandary men Krasnoıar kenti turǵyndary aýyzsýsyz qalǵan edi.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT