+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

«Birlik» partııasy Májilis pen máslıhat saılaýyna qatysatynyn málimdedi

2020 jylǵy 22 qazan 02:10
Bólisińiz:
«Birlik» partııasy Májilis pen máslıhat saılaýyna qatysatynyn málimdedi

NUR-SULTAN. QazAqparat - «Birlik» partııasy 2021 jyldyń 10 qańtaryna belgilengen Májilis jáne máslıhat saılaýyna qatysatyn boldy. QazAqparat partııanyń málimdemesin jarııalaıdy.

Uqsas jańalyqtar
JSDP aldaǵy saılaýǵa qatyspaıdy Saılaý ýchaskeńizdi qalaı bilýge bolady OSK saılaý zańnamasyn túsindirý boıynsha jalǵyz jáne túpkilikti sýbekti emes - Erlan Daýylbaev

«Birlik» saıası partııasynyń parlament saılaýy qarsańyndaǵy málimdemesi

«Birlik» saıası partııasy Prezıdent Qasym-Jomart Toqaevtyń Májilis jáne máslıhat saılaýyn belgileý týraly búgingi úndeýin qoldaıdy. Saılaý naýqanyn Konstıtýtsııamen bekitilgen merzimde ótkizý partııamyz tarapynan quptalady.

Pandemııanyń taralýyna baılanysty túbegeıli ózgerister men ekonomıkalyq synaqtardyń múldem jańa jaǵdaıynda saılaýdy zańnamamen belgilengen merzimde ótkizý mańyzdy. Bul jaıt barlyq partııalarǵa daıyndyq jasaýǵa múmkindik berdi. Óziniń jaqtastaryn «jınaqtaý» úshin ýaqytty bizdiń partııamyz da aldy, atap aıtqanda uıymymyzdyń 30 qyrkúıekte ótken sezinde biz saılaýaldy platformanyń sulbasyn bekitip, jarǵyǵa ózgerister engizdik.

Memleket basshysynyń bastamasymen saıası jańǵyrý boıynsha naqty sharalar Parlament jáne maslıhattarda ókildik alý úshin aıtarlyqtaı kóbirek múmkindikter beredi.

Biz «parlamenttik oppozıtsııa» túsinigin engizý, áıelder men jastarǵa 30-paıyzdyq kvotany engizý jáne Májilisten bastap aýdan men qalalyq máslıhattarǵa deıingi barlyq deńgeılerde proportsıonaldy model men partııalyq tizimderdi qoldaný sharalaryn qoldaımyz.

Budan bólek, Prezıdent «parlamenttik oppozıtsııa» ókilderin Májilis komıtetterine jumyldyrý týraly sheshimdi aıtty, bul shara elektoraldy kampanııa kezeńinde de, sondaı-aq Parlament jáne maslıhattar jumysy aıasynda da ashyq básekelestikti túzýge daıyndyqty aıqyndaıdy.

Qalyptasqan partııa retinde bizde jaqtastarymyz, osy básekelik kúreske qatysýǵa qajetti áleýet pen ınfraquyrylym bar. Barlyq partııalar tájirıbesine, qoldaýshylar sany men mólsherine qaramastan, ózderiniń saıası kemeldigin kórsetip, saılaýǵa qatysyp, daýys berýshilerdiń qoldaýyn alýy qajet dep sanaımyz.

Memleket basshysynyń Májilis pen máslıhattarda óziniń tıimdiligin dáleldegen barlyq partııalardyń ókilderi bolýy tıis degen ustanymyn qoldaımyz. Bul pikirlerdiń plıýralızmin týdyryp, el azamattarynyń ıgiligi úshin pikirtalas, ıdeıa men usynystardyń básekesin qamtamasyz etpek. Memleket basshysy jańarǵan Parlament elimizde aldaǵy áleýmettik-ekonomıkalyq ózgeristerge zańnamalyq bazany qamtamasyz etýi qajettigin atap ótti.

Biz Qazaqstan Prezıdentiniń saıası mádenıetti, demokratııalandyrýdy damytý jónindegi sheshimi men saıası erki, sondaı-aq QR OSK-nyń kásibı jumysy aldaǵy saılaý sheńberinde barlyq saıası partııalar úshin ashyqtyq pen teń básekelestikti qamtamasyz etetinine senimdimiz.

Jarııalanǵan saılaý barshamyzǵa – qoǵam, partııalar, memlekettik apparat úshin mańyzdy synaq ekenin atap ótken jón. Óıtkeni saılaý naýqany álemdik pandemııa saldarynan alǵash ret ekonomıkalyq qıyn kezeńde ótpek.

Osy saılaý aǵymdaǵy sıtýatsııamen qatar, saıası mádenıettiń damýy, azamattyq qoǵamnyń damýy, jańa medıa quraldardy qosa alǵanda tehnologııalyq jabdyqtalý deńgeıiniń ósýine baılanysty erekshe bolady.

Men «Birlik» partııasynyń jetekshisi retinde QR Prezıdenti Qasym-Jomart Toqaevtyń búgingi sóılegen sózi bizge senimdilik syılaǵanyn jasyrmaımyn. Uıymymyzdyń aldaǵy saılaýǵa qatysýǵa daıyn ekenin resmı túrde málimdeımin jáne aldaǵy Sez aıasynda sáıkes sheshim qabyldap, saılaýǵa qatysý úshin belsendi partııa ókilderi qatarynan partııalyq tizimdi jasaqtaımyz.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT