+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Birkólik shatqalynda adasyp ketken 3 jasóspirim qutqaryldy

2021 jylǵy 18 maýsym 19:24
Bólisińiz:
Birkólik shatqalynda adasyp ketken 3 jasóspirim qutqaryldy

BІRKÓLІK. QazAqparat – Túrkistan oblysynyń qutqarýshylary Birkólik taý shatqalynda adasqan 3 jasóspirimdi qutqardy, dep habarlaıdy QazAqparat QR Tótenshe jaǵdaı mınıstrligine silteme jasap.

«2021 jyly 17 maýsymynda saǵat 17.00 shamasynda 3 jasóspirim Túrkistan oblysy Tóle bı aýdanynyń Ekpindi aýylynan 15 shaqyrym jerdegi «Birkólik» taý shatqalyna kóterilgen. Alaıda qarańǵy túsken soń jasóspirimder adasyp, ata-analaryna habar beredi. Ata-analar balalarynyń joǵalǵany týraly «112» nómirine habarlady. Adasqandardyń biri – 2003 jyly týǵan azamat taýǵa kóterilgende qulap, sol aıaǵyn syndyryp alǵan», - deıdi TJM resmı ókili Talǵat Ýálı.

Qutqarýshylar dereý oqıǵa ornyna baryp, jaraqat alǵan jasóspirimge alǵashqy dárigerlik kómek kórsetti.

Úsh jasóspirimdi taýdan túsirip, jedel-járdem brıgadasynyń qyzmetkerlerine tapsyrdy.

Qutqarý jumysyna Túrkistan oblysy TJ departamentinen 11 qutqarýshy men 3 dana tehnıka, jedel-járdem brıgadasynan 3 qyzmetker men 1 tehnıka jumyldyrylǵan.

«Tótenshe jaǵdaılar mınıstrligi eskertedi! Taýǵa serýenge shyqsańyz, beıtanys jermen júrmeńiz, óz kúshińizdi baǵalańyz. Taýǵa shyqqanda yńǵaıly kıim kıińiz. Arnaıy aıaq kıim kıgenińiz abzal. Taýly aımaq qaýipti ekenin esten shyǵarmańyz», - deıdi Talǵat Ýálı.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT