+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Birqatar memleket elshileri Qazaqstan halqyn Táýelsizdik kúnimen quttyqtady

2019 jylǵy 16 jeltoqsan 13:03
Bólisińiz:
Birqatar memleket elshileri Qazaqstan halqyn Táýelsizdik kúnimen quttyqtady

NUR-SULTAN. QazAqparat – Birqatar eldiń Qazaqstandaǵy Tótenshe jáne Ókiletti elshileri elimizdi Táýelsizdik kúnimen quttyqtady, dep habarlaıdy QazAqparat tilshisi.

Koreıa Respýblıkasynyń Qazaqstandaǵy Tótenshe jáne Ókiletti Elshisi Kım Desıktiń aıtýynsha, Qazaqstan búgingi kúni mańyzdy jetistikterge qol jetkizgen jetekshi elderdiń biri bolyp otyr.

«Sizderdi Qazaqstan Respýblıkasynyń Táýelsizdik kúnimen shyn júrekten quttyqtaımyn! 1991 jyly táýelsizdik alǵannan keıin Qazaqstan aıtarlyqtaı jetistikterge jetti. Búgingi tańda Qazaqstan Ortalyq Azııadaǵy gúldengen ári damyǵan memleket retinde ǵana emes, búkil álemdi beıbitshilik pen turaqtylyqqa jeteleıtin úlgili el retinde joǵary baǵalanady. Men Úkimet pen Qazaqstan halqyna keremet tabystary úshin zor qurmetimdi bildiremin!» - deıdi Kım Desık.

Elshiniń aıtýynsha, Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev erik-jigermen, tereń danalyqpen qazirgi Qazaqstandy qurǵan. Alǵashqy jyldary eldiń bolashaǵy úshin jańa Úkimetti jasaqtaǵan.

«Men Qazaqstan halqynyń táýelsizdik alǵannan keıingi zamanaýı memleket qurý protsesindegi senimin baıqaımyn. Prezıdent Qasym-Jomart Toqaev basqaratyn jańa Úkimet jańa kózqaras pen órkendeý saıasaty arqyly eldi ulttyq birlik pen jarqyn bolashaqqa jeteleıtinine kúmánim joq «, - dedi elshi.

Ol sonymen qatar 1992 jyly Ońtústik Koreıa men Qazaqstan arasynda dıplomatııalyq qatynastar ornaǵaly beri ekijaqty qatynastar túrli salalarda, sonyń ishinde saıasat, ekonomıka jáne mádenıette bekip kele jatqanyn qosty.

«Qazan aıynda eki el arasyndaǵy saýda-sattyq 3,3 mıllıard dollarǵa jetti. Bul dıplomatııalyq qatynastar ornaǵan kezdegi 10 mıllıon dollarmen salystyrǵanda 330 ese kóp kórsetkish. Koreıa ınvestıtsııasy 4 mıllıard dollarǵa jetti. Atap aıtqanda, bıyl eki el arasyndaǵy saýda aıtarlyqtaı ósti. Eki el arasyndaǵy qatynastar óte tyǵyz damyp keledi. Bul rette Tuńǵysh Prezıdent Nursultan Nazarbaevtyń basshylyǵy sheshýshi ról atqardy», - dedi elshi.

Elshi ústimizdegi jyldyń sáýir aıynda Qazaqstan Prezıdenti Qasym-Jomart Toqaev pen Koreıa Respýblıkasynyń Prezıdenti Mýn Chje In eki el arasyndaǵy jańa ekonomıkalyq yntymaqtastyqtyń «Salqyn samal» atty jańa baǵdarlamasyna qol qoıǵanyn eske saldy.

Al Qytaı Halyq Respýblıkasynyń Tótenshe jáne Ókiletti Elshisi Chjan Sıao elimizdiń táýelsizdik jyldaryndaǵy tabystaryn tizip ótti.

«Táýelsizdik kúni barlyq qazaqstandyq úshin óte mańyzdy. Táýelsizdik jyldarynda Qazaqstan áleýmettik-ekonomıkalyq damýda da, demokratııalyq jáne saıası ózgeriste de tańǵalarlyq jetistikterge jetti. Bul jetistiktermen barsha qazaqstandyq maqtanýǵa tolyq quqyly. Elbasynyń dana basshylyǵynyń, saıası kóregendiginiń arqasynda Qazaqstan qarqyndy, uzaq merzimdi damý jolyna tústi. Búgingi tańda Qazaqstan - Eýrazııa kontınentindegi eń gúldengen, turaqty, qarqyndy damyp kele jatqan memleket. Osy jyldar ishinde Qazaqstan beıbitshilikti súıetin, jaýapty memleket retinde halyqaralyq arenada óziniń bedeline ıe boldy. Aımaqtyq daǵdarystardy sheshýge úlken úles qosty. Mysaly, Astana protsesi sheńberindegi kelissózder alańyn usyndy», - dedi Chjan Sıao.

Sondaı-aq, elshi Qazaqstan halqyn Táýelsizdik kúnimen quttyqtady.

«Osy múmkindikti paıdalanyp, men barsha Qazaqstan halqyn merekemen quttyqtaı otyryp, bárine beıbitshilik, baqyt, bereke, al respýblıkaǵa órkendeý men turaqtylyq tileımin», - dedi Ch.Sıao.

Úndistannyń Qazaqstan Respýblıkasyndaǵy elshisi Prabhat Kýmar halqymyzdy quttyqtaı otyryp, eki el arasyndaǵy yntymaqtastyqtyń nyǵaıa túskenin atap ótti.

«Qazaqstan halqyn Táýelsizdiktiń 28 jyldyǵymen quttyqtaǵanyma óte qýanyshtymyn. Úndistan men Qazaqstan arasyndaǵy qatynastar ǵasyrlar boıǵy tarıhı jáne mádenı baılanystardyń berik negizine qurylǵan. Bizdiń elder ekijaqty jáne kópjaqty yntymaqtastyqty damytty, bul óz kezeginde strategııalyq seriktestikke aınaldy. Bizdiń memleketter arasyndaǵy yntymaqtastyq odan ári nyǵaıyp, damı beretinine senimdimin. Osy múmkindikti paıdalana otyryp, men osy mańyzdy kúni Qazaqstan halqyna eń jaqsy tilekterimdi jetkizgim keledi. Qazaqstan ary qaraı da órkendep, eki el arasyndaǵy qarym-qatynas nyǵaıa túser dep senim bildirgim keledi», - dedi Prabhat Kýmar.

Frantsııanyń Qazaqstandaǵy Elshisi Fılıpp Martın de quttyqtaýdan tys qalǵan joq.

«Frantsııa táýelsizdik kúnin atap ótpeıdi. Óıtkeni memleket 1500 jyldan beri táýelsiz. Al Qazaqstannyń táýelsiz memleket bolǵanyna 28 jyl toldy. Bostandyq, táýelsizdik, demokratııa jáne egemendik - táýelsizdik uǵymyn árkim ózinshe túsinedi. Qazaqstandyq dostar, men sizderdiń elderińiz bizdiń el sııaqty árqashan táýelsiz bolǵanyn, táýelsizdiktiń jemisin kórýlerińizdi tileımin», - dedi Fılıpp Martın.

Aıta ketsek, búgin Qazaqstan Respýblıkasynyń táýelsiz el atanǵanyna 28 jyl tolyp otyr.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT