Birinshi synypqa qabyldaýǵa 320 myńǵa jýyq ótinish tústi
2022 jylǵy 1 shilde 15:49

Birinshi synypqa qabyldaýǵa 320 myńǵa jýyq ótinish tústi

NUR-SULTAN. QazAqparat - Úsh aıdyń ishinde balalardy 1-synypqa qabyldaýǵa 320 myńǵa jýyq ótinish túsip úlgerdi. Onyń ishinde balalardyń 70%-ǵa jýyǵy memlekettik tilde oqýdy tańdady. Bul týraly QazAqparat Oqý-aǵartý mınıstrligine silteme jasap habarlaıdy.

Birinshi synypqa qabyldaý 1 sáýirde bastalǵan bolatyn. Al qujattardy qabyldaý merzimi 2022 jylǵy 1 tamyzda aıaqtalady. Azamattarǵa yńǵaıly bolý úshin Oqý-aǵartý mınıstrligi qyzmetti avtomattandyrdy jáne qujattar egov.kz veb-portaly arqyly qabyldanady. Sondaı-aq ata-analar qujattardy dástúrli qaǵaz formatynda da tapsyra alady.

«Ata-analarǵa qujattardy tezirek tapsyrýǵa keńes beremiz, óıtkeni qabyldaý 1 tamyzda aıaqtalady. Al 1 tamyzdan bastap mektepterde oqý-tárbıe úrdisin sapaly josparlaý men uıymdastyrý, oqýlyqtardy taratý, synyptardy qalyptastyrý jáne basqa da uıymdastyrý jumystary bastalady. Qujat qabyldaý bastalǵanyna úsh aı ótti jáne osy ýaqyt ishinde 320 myńǵa jýyq ótinish tústi. Onyń 82%-y elektrondy formatta qabyldandy. Sonymen qatar memlekettik tilde bilim alǵysy keletinderdiń úlesi búginde 70%-ǵa jýyqtady. Qazaq tilinde oqytatyn synyptarǵa qabyldaý boıynsha eń joǵary kórsetkishter Qyzylorda (92,4%), Túrkistan (89%) jáne Mańǵystaý (87,1%) oblystarynda tirkeldi», - dedi QR Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova.

Jańa oqý jylynda 400 myńnan astam bala 1-synypqa barady dep kútilip otyr.


Uqsas jańalyqtar

Jańalyqtar

Úrdis

MURAǴAT