+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Birinshi raýndtaǵy nokaýttan keıin Eleýsinov reıtıngte joǵarylady

2019 jylǵy 16 qyrkúıek 07:21
Bólisińiz:
Birinshi raýndtaǵy nokaýttan keıin Eleýsinov reıtıngte joǵarylady

NUR-SULTAN. QazAqparat – Profı-boksshy Danııar Eleýsinov (8-0, 4KO) BoxRec.com beldi saıty usynatyn álemdik reıtıngte pozıtsııasyn jaqsartty, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda jazylǵandaı, kásipqoı rıngtegi 8-inshi jeńisinen keıin Eleýsinov toǵyz satyǵa joǵarylap, 161-den 152-inshi orynǵa ornalasty.

BoxRec jartylaı orta salmaqtaǵy reıtıngte barlyǵy 2092 boksshy kórsetilgen. Mundaǵy kóshbasshy – WBO chempıony, amerıkalyq Terens Kroýford (35-0, 26KO). Odan keıingi oryndarda IBF chempıony, AQSh ókili Errol Spens (25-0, 21KO) jáne WBA (Super) tıtýlynyń ıegeri, fılıppındik Mennı Pakıao (62-7-2, 39KO) tur.

Qazaqstandyq boksshylar arasynda Eleýsinov ázirge úshinshi keledi. 65-inshi orynda WBA Inter-Continental, WBO Oriental jáne IBF Australasian ekinshi dárejeli beldikteriniń ıegeri Nursultan Janabaev (8-0, 5KO) ornalasqan, 116-ynshy orynda – Bobyrjan Momynov (10-0, 8KO).

Eske salaıyq, Olımpıada chempıony D.Eleýsinov 14 qyrkúıek kúni ótken kezekti jekpe-jeginde jeńiske jetti. Nıý-Iorktegi boks keshinde onyń qarsylasy jeńilip kórmegen amerıkalyq Reshard Hıks (12-1-1, 6KO) boldy. Ol Danııar úshin eń qaýipti opponent sanaldy. Degenmen, Danııar Hıksti birinshi raýndta-aq nokdaýnǵa jiberip, artynan nokaýtqa túsirdi.

DAZN Twitter-degi paraqshasynda «Qazaqtar jaıyndaı japyrdy, Vaý!» dep tań qalysty. Al AQSh-ta ony aty ańyzǵa aınalǵan Maık Taısonmen salystyrdy.

Aldaǵy jekpe-jekterde Danııar chempıondyq ataqqa talasady dep kútilýde.

Bizdiń kanalymyzǵa jazylyńyz:

#Sport   #Boks  
Bólisińiz:

Avtor:

Mıra Tólendiqyzy

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT