+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Birgemiz» qorynan aqshalaı kómek alǵan almatylyqtar rızashylyqtaryn bildirdi

2020 jylǵy 15 qazan 14:58
Bólisińiz:
«Birgemiz» qorynan aqshalaı kómek alǵan almatylyqtar rızashylyqtaryn bildirdi

ALMATY. QazAqparat – Almatyda «Birgemiz» qorynan 50 myń teńge kóleminde birrettik kómek tóleý aıaqtaldy, dep habarlaıdy QazAqparat tilshisi.

«Osy joly qordyń sheshimi boıynsha birjolǵy kómek ataýly áleýmettik kómek alýshylarǵa, I – II toptaǵy múgedekterge (jasy boıynsha zeınetkerler) berildi. Sonymen qatar, eń tómengi nemese odan tómen zeınetaqy alatyn zeınetkerler de aldy. Olardyń sany shamamen 1000 adam. Budan bólek, kómek alýshylar qatarynda múgedek balaǵa kútim jasaıtyn adamdar, Ekinshi dúnıejúzilik soǵysynyń qatysýshylary men múgedekteri, olarǵa teńestirilgen adamdar, tyl eńbekkerleri men tul jetimder bar»,– dep habarlady «Nur Otan» partııasynyń Almaty qalalyq fılıaly.

Megoplıste birrettik kómekti barlyǵy 8078 adam aldy.

«Kórsetilgen aqshalaı kómek men úshin úlken demeý boldy. Ásirese qazir, kúzde jyly kıim satyp alý qajet bolǵan kezde. Meniń tórt balam bar, olardyń úlkeni 17 jasta, al kishisi 5 jasta. Bul Elbasynyń der kezinde bergen syıy»,- dedi kópbalaly ana Bıbigúl.

Birjolǵy kómek alǵan kóptegen turǵyndar áleýmettik jelilerdegi jeke paraqshalarynda óz qýanyshtarymen bólisip, «Nur Otan» partııasynyń kóshbasshysy, Elbasyna alǵystaryn bildirdi. Olardyń ishinde І top múgedegi Ermek Baısalbek pen Nıgora Ibragımova, Aýǵan soǵysyna qatysýshy Altaı Ótebaıuly jáne taǵy basqalary bar.

Esterińizge salsaq, «Birgemiz» qory 2020 jyldyń naýryz aıynda Tuńǵysh Prezıdent, «Nur Otan» partııasynyń Kóshbasshysy Nursultan Nazarbaevtyń bastamasymen koronavırýspen kúres jaǵdaıynda halyqtyń áleýmettik osal toptaryn qoldaý úshin qurylǵan bolatyn.

Jalpy alǵanda, 60 myńnan astam adam qor qarajatynan besinshi tolqynnyń esebimen 50 myń teńgeden materıaldyq kómek aldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT