+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Birgemiz» aktsııasyna belsene qatysqan volonterler marapattaldy

2020 jylǵy 11 maýsym 13:58
Bólisińiz:
«Birgemiz» aktsııasyna belsene qatysqan volonterler marapattaldy

NUR-SULTAN. QazAqparat - «Nur Otan» partııasynyń Ortalyq apparatynda koronavırýspen kúres jaǵdaıynda muqtaj azamattarǵa qoldaý kórsetý boıynsha «Birgemiz» respýblıkalyq aktsııasyna qatysqan eń belsendi volonterler marapattaldy. Olarǵa elimizdiń Tuńǵysh Prezıdenti Nursultan Nazarbaevtyń atynan alǵys hat tapsyryldy, dep habarlaıdy QazAqparat tilshisi.

Uqsas jańalyqtar

Taıaýda partııa lıderi qazaqstandyq árbir volonterǵa óz yqylasyn bildirip, alǵys hattarǵa qol qoıǵan edi.

«Tótenshe jaǵdaı kezinde «Jas Otan» búkil el boıynsha bes myńnan astam eriktini jumyldyrdy. Olar demalyssyz jumys istep, muqtaj adamdarǵa kómek jetkizdi. Naǵyz patrıottardyń, jaýapkershiligi mol jas kóshbasshylardyń jańa býyny qalyptasqany qýantady. Olardyń eń belsendilerine arnalǵan alǵys hattarǵa qol qoıdym», - degen edi Nursultan Nazarbaev.

Saltanatty shara barysynda «Nur Otan» partııasy tóraǵasynyń birinshi orynbasary Baýyrjan Baıbek «Jas Otan» jastar qanatynyń volonterleri búkil el boıynsha 250 myńnan astam otbasyna azyq-túlik sebetterin, maskalar men eń qajetti zattardy jetkizip bergenin atap ótti. Jasotandyqtar alǵashqylardyń qatarynda Maqtaaral aýdanyna attanyp, qazirgi kezde 500-den asa jas sý basýdan zardap shekken aýyl turǵyndaryna aqysyz kómek kórsetýdi jalǵastyryp jatyr.

«Ózderińiz biletindeı, Elbasynyń bastamasymen «Nur Otan» partııasy Memleket basshysynyń qolǵa alǵan daǵdarysqa qarsy sharalaryna qosymsha muqtaj qazaqstandyqtarǵa qarqyndy kómek kórsetip jatyr. Nursultan Nazarbaevtyń bastamasymen qurylǵan «Birgemiz» qorynyń jelisi boıynsha metsenattardyń qoldaýymen 470 myńnan astam otbasy 50 myń teńgeden birjolǵy tólemaqy aldy. Tuńǵysh Prezıdent qorymen birge asa muqtaj otbasylarǵa ataýly qoldaý kórsetý uıymdastyryldy. Osynaý jumystardy atqarýda volonterlerimizdiń róli zor boldy. Bul rette 2019 jyldy Nursultan Ábishuly «Jastar jyly» dep atasa, al 2020 jyldy el Prezıdenti Qasym-Jomart Toqaevtyń «Volonter jyly» dep jarııalaýy sımvoldyq mánge ıe boldy. Sizder óz otanshyldyqtaryńyzdy, azamattyq pen janashyrlyqtaryńyzdy tanyta otyryp, búkil qazaqstandyq jastarǵa úlgi kórsettińizder», - dedi Baýyrjan Baıbek.

Sonymen birge tóraǵanyń birinshi orynbasary jastardy aldaǵy partııaishilik tańdaý – praımerızge qatysýǵa shaqyrdy.

«Ótken aptada partııa lıderi bıylǵy 17 tamyzdan 3 qazanǵa deıingi aralyqta Praımerız ótkizý týraly qaýlyǵa qol qoıǵan edi. Bizdiń maqsatymyz – aldaǵy Májilis pen barlyq deńgeıdegi máslıhattarǵa saılaýǵa partııalyq tizimder qalyptastyrý úshin jańa lıderlerdi anyqtaý boıynsha barynsha ashyq ári básekelestik negizde irikteý ótkizý. Bul rette 35 jasqa deıingi jastarǵa – 20%, al áıelder úshin – 30% kvota kózdelgen. Osy arqyly biz daryndy da bastamashyl jastarymyz úshin partııalyq «áleýmettik lıftini» qamtamasyz etpekpiz», – dedi Baýyrjan Baıbek.

Osy aptanyń ishinde Nursultan Nazarbaevtyń atynan alǵys hattarmen úsh myńdaı qazaqstandyqty marapattaý josparlanǵanyn atap ótken jón. Olardyń arasynda partııanyń óńirlik fılıaldarynyń volonterlary men belsendileri, sondaı-aq qaıyrymdy metsenattar bar.

«Tótenshe jaǵdaı rejımi engizilgen kezde kóptegen adamdar qıyn jaǵdaıǵa tap boldy. Meniń olarǵa qandaı da bir kómek bergim keldi. Áleýmettik jelilerden «Nur Otan» partııasy muqtaj azamattarǵa azyq-túlik jetkizip berip jatqanyn jáne bul iske kómek beretin eriktiler qajet ekendigin bilgennen keıin men birden habarlastym. «Biz Birgemiz» sekildi aýqymdy aktsııaǵa qatysqanyma sheksiz rızamyn» - dep volonter Elmıra Aıǵalıeva óz áserin bólisti.

«Jas Otan» jastar qanaty belsendileriniń biri Sergeı Matıýshenko óz kezeginde Elbasynyń alǵys hatyn alý erekshe mártebe ekenin jáne adamdarǵa kómek kórsetýge qosymsha kúsh-jiger syılaıtynyn atap ótti.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT