Bir jylda 4 mln tonnadan astam benzın jáne 2 mln tonna dızel satyldy
2022 jylǵy 17 maýsym 14:56

Bir jylda 4 mln tonnadan astam benzın jáne 2 mln tonna dızel satyldy

NUR-SULTAN. QazAqparat - 2021 jyly Qazaqstanda 6,4 myńǵa jýyq avtojanarmaı quıý, avtogaz toltyrý jáne avtogaz toltyrý kompressorlyq stantsııasy jumys istedi. Bul 2020 jylǵa qaraǵanda 1,5% artyq. Onyń ishinde aýyldyq jerlerde 2,1 myń stansa boldy, jyl ishindegi ósim - 1,2%, dep habarlaıdy QazAqparat Energyprom resýrsyna silteme jasap.

QR óńirleriniń arasynda stansanyń kóbi Túrkistan (701), Almaty (509) jáne Qaraǵandy (496) oblystarynda, al Atyraý (171), Soltústik Qazaqstan (216) jáne Batys Qazaqstan (224) oblystarynda sırek ornalasqan.

Bólshek saýdanyń barlyq kóleminiń úshten bir bóligi tek úsh óńirge tıesili: Almaty (168,4 mlrd tg), Almaty oblysy (167,2 mlrd tg) jáne Nur-Sultan (111,4 mlrd tg).

Munaı ónimderi eń az satylǵan óńirler - Soltústik Qazaqstan (32 mlrd tg), Mańǵystaý (39,5 mlrd tg) jáne Qyzylorda (45,9 mlrd tg) oblystary.

Munaı ónimderinen túsken qarjynyń basym bóligi benzınge tıesili - 876,9 mlrd teńge, bir jyl ishinde ósim - 24,5%.

Odan ári satý kólemi boıynsha 441,1 mlrd tg bolatyn dızel otyny tur - 2020 jylǵa qaraǵanda 27% artyq.

Satýdyń eleýli kólemi suıytylǵan propan men býtanda — 103,7 mlrd teńge (jylyna +42,3%).

Syǵylǵan tabıǵı gazǵa tek 101,3 mln teńge (jylyna 82,4%) keldi.

Byltyr 4,3 mln tonna benzın satyldy, bul 2020 jylmen salystyrǵanda 11,2% artyq.

Óz kezeginde dızel satý shamamen 2 mln tonnany, oǵan qosa jylyna 16,4% qurady.

Esterińizge sala keteıik, Qazaqstanda bir jyl ishinde benzın 5%, al dızel otyny birden 42% qymbattady.


Seriktester jańalyqtary

Jańalyqtar

Úrdis

MURAǴAT