+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Bir jyl buryn Astananyń sol jaǵalaýyn jaryqsyz qaldyrǵandar sottaldy

2020 jylǵy 21 qazan 15:38
Bólisińiz:
Bir jyl buryn Astananyń sol jaǵalaýyn jaryqsyz qaldyrǵandar sottaldy

NUR-SULTAN. QazAqparat - Búgin Nur-Sultan qalasy Esil aýdandyq №2 aýdandyq soty bir jyl buryn elordanyń sol jaǵalaýy jaryqsyz qalǵan oqıǵaǵa qatysty aıyptaý úkimin shyǵardy, dep habarlaıdy QazAqparat tilshisi.

Nur-Sultan qalalyq sotynyń málimetinshe, Levoberejnaıa podstansasy kabel jelisi jobasynyń jetekshileri B.Musabaev pen J. Jumaǵalovtyń, merdiger uıym basshylary M.Edenbaev pen B.Sasbuqaevtyń qurylys-montajdaý normalarynda óreskelik qatelikterge jol bergeni anyqtalǵan. Jobadan aýytqý oryn alǵan. Buǵan qosa, jobanyń ózi qateliktermen jasalyp, qurylys barysynda janatyn polıetılen qubyrlar paıdalanylǵan. Al avtorlyq jáne tehnıkalyq qadaǵalaýǵa jaýapty V.Morashan men H.Muhamedalın jasyryn jumystardy kýálandyratyn qujattarǵa qol qoıǵan.

Saldarynan 2019 jyldyń 10 qarashasynda órt oryn alyp, elordanyń sol jaǵalaýy jaryqsyz qalǵan. Keltirilgen shyǵyn 68 mln teńgeden asyp jyǵylady.

«Sottalýshylardyń kináli ekendigi saraptama qorytyndylarymen dáleldendi. Protsess barysynda prokýror órt qaýipsizdigi talaptaryn buzý boıynsha aıyptaýdan bas tartty. Qalǵan aıyptaýlar boıynsha bas bostandyǵynan aıyrýdyń túrli merzimderin taǵaıyndaýdy surady. Sottalýshylar kinálaryn moıyndaǵan joq. Shyǵyndy da ótemedi. Sot Musabaevty, Jumaǵulovty, Edenbaevti, Sasbuqaevty sapasyz qurylysqa kináli dep tanydy. Barlyǵy da 2 jylǵa bas bostandyqtarynan aıyryldy. Injınırıngilik qyzmetterdi tıisti deńgeıde oryndamaǵan úshin Muhamedalın men Moroshın de 2 jylǵa bas bostandyǵynan aıyrýǵa sottaldy. Úkim zańdy kúshine engen joq», - delingen elorda soty taratqan aqparatta.

Eske sala ketsek, 2019 jyldyń 9 qarashasynan 10 qarashasyna qaraǵan túni saǵat 02.04-te elordadaǵy «Levoberejnaıa» 110/10 kV shaǵyn stansasynyń 10 kV kabel kanalynda órt shyqty. Kabel jelisi zaqymdandy. Sonyń saldarynan qalanyń sol jaǵalaýyndaǵy keıbir turǵyn úıler men ákimshilik ǵımarattar jaryqsyz qaldy.


Bizdiń kanalymyzǵa jazylyńyz:

#Nur-Sultan   #Sot  
Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT