+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Bir joldama, bir medal: Nur-Sultanda kúresten álem chempıonatynyń tórtinshi kúni aıaqtaldy

2019 jylǵy 18 qyrkúıek 01:48
Bólisińiz:
Bir joldama, bir medal: Nur-Sultanda kúresten álem chempıonatynyń tórtinshi kúni aıaqtaldy

NUR-SULTAN. QazAqparat - Nur-Sultanda ótip jatqan kúres túrlerinen álem chempıonatynda «klassıkter» arasyndaǵy báseke tolyǵymen aıaqtaldy, dep jazady Olympic.kz.

Uqsas jańalyqtar
Denıs Ten memorıalynda Morıs Kvıtelashvılı top jardy Fýtzaldan Chempıondar lıgasy: «Qaırat» jáne «Aıat» elıtalyq kezeńge joldama aldy Halyqaralyq shahmat týrnırinde qazaqstandyq oqýshylar komandasy kúmis júlde aldy

Elorda tórinde grek-rım kúresinen 60, 77 jáne 130 kelidegi jeńimpazdar men júldeger esimi anyqtalyp, áıelder kúresinen tórt salmaq dárejesindegi fınalıster esimi belgili boldy. Qazaq jankúıeriniń qýanyshyna oraı, búgin qazaqstandyq balýandar bir medal men bir joldama jeńip aldy.

Grek-rım kúresinen Qazaqstan komandasy álem chempıonatyn bir kúmis jáne eki qola medalmen aıaqtady. Qorlan Jaqansha (55 keli) men Almat Kebispaevtyń (63 keli) jeńisti jolyn Meırambek Aınaǵulov jalǵastyrdy. 60 kelide beldesken Aınaǵulov kishi fınalda ýkraınalyq Lenýr Temırovti 10:0 esebimen jeńip, óziniń júlde qorjynyn álem birinshiliginiń qola júldesimen tolyqtyrdy. Osyǵan deıin Meırambek 2017 jylǵy álem chempıonatynyń kúmis júldesin ıelengen bolatyn.



77 kelidegi kil myqtylardy júldeden qaqqan Ashat Dilmuhamedov álem birinshiligin bar bolǵany besinshi orynmen támamdady. Roman Vlasov pen Vıktor Nemeshke kóp kúsh jumsasa kerek, qazaq balýany kishi fınalda jeńilis tapty. Qola medal úshin kúreste ózbekstandyq Jalǵasbaı Berdimuratovtan aıla asyra almaı, 1:3 esebimen jeńilgen Ashat Olımpıada joldamasyn qanaǵat tutady.


Osylaısha, Baqtııar Baıseıitov baptaıtyn grek-rım kúresinen Qazaqstan komandasy óz elimizdegi dodany altynsyz aıaqtady. Chempıonat bastalǵanǵa deıin kúres mamandary men balýandar elordamyzda Ánuran shyrqatý qajettigin kóp aıtqan. Dese de, Baıseıitovtiń 20 jyl burynǵy jetistigin shákirtteri bul joly da qaıtalaı alǵan joq. «Klassıkter» álem chempıonatynan bir kúmis, eki qola jáne Olımpıadanyń eki joldamasyn jeńip aldy.

Álem chempıonatynda áıelder kúresine de kezek keldi. Búgin 50, 53, 55 jáne 72 keli salmaq dárejesindegi beldesýler ótken bolatyn.


53 kelidegi Tatıana Ahmetova alǵashqy beldesýinde Belarýs balýanyna ese jiberip, týrnırdi támamdady. Al 50 kelidegi Valentına Islamova burymdy balýandar arasynan alǵash bolyp Tokıo joldamasyna qol jetkizdi. Islamova Frantsııa, Belarýs jáne Túrkııa balýandaryn qatardan shyǵaryp, jartylaı fınalǵa jetken bolatyn. Alaıda, asa tartysty ótken beldesýde rýmynııalyq Emılııa Výkpen teń túsken jerlesimiz fınaldan syrt qaldy. Sońǵy upaıdy ıelengen Emılııa aqtyq synda aıqasady. Valentına Islamova erteń qola medal úshin kilemge shyǵady.


55 jáne 72 kelide el namysyn qorǵaǵan Marına Sedneva men Jámıla Baqbergenova da jartylaı fınalǵa deıin súrinbegen. Biraq eki sportshymyzǵa da fınalda kúresý baqyty buıyrmaıdy.

Marına jartylaı fınalda japonııalyq Irıe Nanamıden, Jámıla Olımpıada chempıony, reseılik Natalıa Vorobevadan taza jeńildi. Erteń eki balýanymyz da qola júldege talasady.


Erteń, 18 qyrkúıek kúni, Nur-Sultandaǵy álem chempıonatynda áıelder kúresinen 57, 59, 65 jáne 76 keli salmaq dárejesindegi irikteý aınalymy bastalady.

Grek-rım kúresinen Nur-Sultandaǵy álem chempıonatynyń jeńimpazdary men júldegerleri:

60 keli

1. Kenıhıro Fýmıta (Japonııa)

2. Sergeı Emelın (Reseı)

3. Meırambek Aınaǵulov (Qazaqstan), Álı-Rıza Nedjatı (Iran)

77 keli

1. Tamash Lorınts (Vengrııa)

2. Aleks Kessıdıs (Shvetsııa)

3. Jalǵasbaı Berdimuratov (Ózbekstan), Mohammadalı Geraeı (Iran)

130 keli

1. Rıza Kaıalp (Túrkııa)

2. Oskar Pıno (Kýba)

3. ıAkobı Kadjaıa (Grýzııa), Heıkı Nabı (Estonııa)


FOTO: Salı Sabırov, Danııar Maılybaev, Іzturǵan Aldaýev. Qazaqstan UOK baspasóz qyzmeti


Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT