+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Bir kúndik» fırmalardy bastapqy satyda anyqtaý boıynsha jańa joba júrgizilýde

2019 jylǵy 15 qarasha 13:33
Bólisińiz:
«Bir kúndik» fırmalardy bastapqy satyda anyqtaý boıynsha jańa joba júrgizilýde

NUR-SULTAN. QazAqparat - Sońǵy ýaqytta áleýmettik jelilerde «bir kúndik» fırmalardy anyqtaý boıynsha pılottyq joba belsendi talqylanýda, dep habarlaıdy QazAqparat QR Qarjy mınıstrligi Memlekettik kirister komıtetiniń málimetterine silteme jasap.

Uqsas jańalyqtar
Shymkentte kásipkerlerdiń máseleleri basty nazarda Qazaqstandyq ónimder álemniń 120 eline eksporttalady - mınıstr Qaraǵandy oblysynda aldaǵy úsh jylǵy bıýdjet bekitildi

Jumystyń negizgi baǵyttaryn túsindirý maqsatynda Memlekettik kirister komıteti Qazaqstan Salyq tóleýshiler qaýymdastyǵynyń kómegimen bıznes-qaýymdastyqtardyń ókilderimen jáne kásipkerlermen táýekeldi kompanııalar úshin EShF jazyp berý boıynsha qyzmetterge shekteýdi qarastyratyn pılottyq jobany iske asyrýdyń merzimderi men qaǵıdalaryn talqylaý boıynsha kezdesý ótkizdi.

Pılottyq joba elektrondy shot-faktýralardyń (EShF) jáne trankıngtik baılanys aqparattyq (TBA) júıelerin paıdalanýmen salyq tóleýden jaltarý shemalaryn anyqtaýǵa baǵyttalǵan. Kezdesý barysynda jobany iske asyrýdyń negizgi tásilderi túsindirildi.

Pılottyq jobanyń sheńberinde salyq tóleýden jaltarý shemalary anyqtaldy. Mysalǵa, aktıvteri, alynǵan taýarlary, jer qoınaýyn paıdalaný sharttary joq «A» fırmasy, bir apta ishinde 1,7 mlrd. teńge somasyna qurylys-montajdaý jumysyn júrgizýge jáne qıyrshyq tas ótkizýge EShF-ny «B» jáne «S» fırmalarynyń mekenjaıyna jazyp bergen, olar osy somalardy esepke jatqyzyp, sol arqyly QQS ońtaılandyrdy. Qabyldanǵan sharalardyń nátıjesinde «A» fırmasyna EShF jazyp berý boıynsha qyzmet kórsetýde shekteý qoıyldy, al «B» jáne «S» fırmalaryna qatysty habarlama shyǵaryldy jáne osy mámilelerdi jaramsyz dep taný boıynsha narazylyq-talap-aryz jumysy bastaldy.

Bul rette, EShF jazyp berý boıynsha qyzmet kórsetýdi shekteý tek qana joǵary táýekel dárejesine jatyzylǵan salyq tóleýshige jáne osyndaı salyq tóleýshi kameraldyq baqylaý boıynsha habarlamany oryndamaǵan jaǵdaıda qoldanylady.

Osyndaı sheshim qabyldaǵanǵa deıin salyq tóleýshige kameraldyq baqylaý boıynsha habarlama jiberiledi, kelispegen jaǵdaıda salyq tóleýshi túsindirme ne shaǵym berýge quqyly (habarlamany oryndaý merzimi 5 jumys kúni).

Salyq tóleýshilerdi irikteý tek qana ortalyq deńgeıde jáne avtomatty rejımde júzege asyrylady. Qupııa bolyp tabylmaıtyn irikteý ólshemsharttary Salyq kodeksiniń 136-babynda kórsetilgen.

EShF jáne TBJ AJ paıdalanýǵa engizý derekterdi zııatkerlik taldaýǵa, sebep-saldar baılanystaryn anyqtaýǵa jáne salyq zańnamasyn buzýshylyǵyna asa tıimdi jáne shuǵyl den qoıýǵa múmkindik beredi. Taýarsyz operatsııalardy anyqtaý úshin taldaýǵa, salyqtyq deklaratsııanyń tapsyrylýyn kútpeı, barlyq jazylǵan shot-faktýralar men mámileler ushyraıdy.

Talqylaý barysynda bıznes-qoǵamdastyqtar Pılottyq jobany iske asyrý qaǵıdalaryna birqatar ózgerister usyndy, olardy Memlekettik kirister komıteti qoldady.

Atap aıtqanda, túsindirmeni qaraý merzimi 3 jumys kúninen 1 jumys kúnine deıin qysqartylatyn bolady, memlekettik organnyń kinási boıynsha EShF jazyp berý merzimi buzylǵan jaǵdaıda ákimshilik jaýapqa tartý alyp tastalyndy. Sonymen qatar, aldaǵy ýaqytta pılottyq joba sheńberinde joǵary táýekeldi salyq tóleýshilerdiń tizbesi MKK saıtynda ornalastyrylatyn jáne aıyna 2 ret jańartylatyn bolady.

Dóńgelek ústeldiń qorytyndysy boıynsha táýekeldi kásiporyndarmen qarsy kúresti kúsheıtý qajettiligi jáne naryqtyń adal qatysýshylarynyń múddelerin qorǵaý úshin básekelestik jaǵdaıdy qamtamasyz etý týraly ustanym qoldaýǵa ıe boldy.

Suraqtar týyndaǵan jaǵdaıda memlekettik kirister organdary qajetti aqparatty berýge jáne ádistemelik kómek kórsetýge daıyn.

Kásipkerler 717667, 717690 jáne 1414 telefon nómirlerine ne kgd.gov.kz saıtyndaǵy MKK tóraǵasynyń blogyna júgine alady.

Bizdiń kanalymyzǵa jazylyńyz:

Bólisińiz:

Avtor:

Baqytjan Serikuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT