+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Bir aıda qurastyrǵan: Elorda oqýshylary arasynda robototehnıkadan jarys bastaldy

2019 jylǵy 22 qarasha 12:44
Bólisińiz:
Bir aıda qurastyrǵan: Elorda oqýshylary arasynda robototehnıkadan jarys bastaldy

NUR-SULTAN. QazAqparat - Elordada mektep oqýshylary arasynda «ROBOFEST - 2019» qalalyq jarysy bastaldy, dep habarlaıdy QazAqparat tilshisi.

Uqsas jańalyqtar
«Men qazaqpyn»: Pavlodar oqýshylarynyń chellendji áleýmettik jelini dúr silkindirdi Dúnıejúzilik robottar olımpıadasynan qazaqstandyq oqýshylar qola medal aldy Nur-Sultanda respýblıkalyq STEM-olımpıada bastaldy

«Saıys Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda QR Tuńǵysh Prezıdenti kúnine oraı ótkizilip otyr. Maqsat - sporttyń ǵylymı-tehnıkalyq baǵytyn damytý jáne ózderin osy baǵytta damytyp júrgen balalardyń bir-birimen tanysyp, oıǵa alǵan isterin júzege asyrýǵa múmkindik jasaý», - deıdi Nur-Sultan qalalyq Tehnıkalyq shyǵarmashylyq ortalyǵynyń dırektory Qanat Ábdirashıtov.

Ol robototehnıkamen aınalysqan balanyń logıkalyq oılaý qabileti jaqsy damıtynyn aıtady. «Robototehnıkamen aınalysqan bala baǵdarlama jasaýdy, robottardyń materıaldyq-tehnıkalyq jaǵyn zertteýdi, olardy quraýdy úırenedi», - deıdi ol.

Ortalyq dırektorynyń atap ótýinshe, 1970 jyldary da osyndaı úıirmeler bolǵan. Biraq qoldanatyn quraldardyń kólemi óte úlken, yńǵaısyz bolyp keletin.

«Qazir tehnologııa óte damyp ketken. Sol sebepti, balalardyń vızýaldy oılaý júıesi jaqsy damyǵan. Mysaly, bul jarysqa qatysyp jatqan 2-inshi, 3-synyp oqýshylary da bar. Keıde olar úlkenderdiń basyna kelmeıtin ıdeıa aıtady. Qabileti bolsa - nege qatystyrmasqa? Jarysqa elordadaǵy 86 mektep qatysýda, bul - qaladaǵy mektepterdiń 95% dep aıtýǵa bolady. Mektepterdegi materıaldyq jaǵdaıdy jaqsarta tússe - jarysqa bir mektepten birneshe komanda qatysýshy edi», - deıdi dırektor.

Elordada úshinshi jyl qatarynan ótip jatqan robototehnıka baıqaýyna 86 mektepten 86 komanda, barlyǵy 172 bala qatysyp jatyr.

Qazylar alqasynyń tóraǵasy Talant Tóleýbekovtiń aıtýynsha, oqýshylar men ustazdarǵa tapsyrma bir aı buryn berilgen.

«Bir aı ishinde olar robot qurap shyǵarady. Osydan úsh jyl buryn qatysýshylar sany eki ese az bolǵan jáne jarys osyndaı keń kólemde emes, Tehnıkalyq shyǵarmashylyq ortalyqtyń ózinde ótken», - deıdi ol.

Al Ǵafý Qaıyrbekov atyndaǵy №2 mektep-gımnazııasynyń 9-synyp oqýshysy Nııazbek Bazarbaevtyń robototehnıkaǵa degen qyzyǵýshylyǵy 5-synyptan bastap oıanǵan.

«Men ata-anama ótinish aıtyp, 5-synyptan bastap robototehnıka úıirmelerine qatystym. 5-synyp oqyp júrgen kezimde Aqmola oblysy boıynsha robototehnıkadan ótken jarysqa qatysyp, ekinshi oryn aldym. Búgingi jarysta qajetti quraldar beredi, biz odan bıiktigi 30 sm, uzyndyǵy 30 sm jáne salmaǵy 2 kg bolatyn robot quraýymyz qajet. Robototehnıkaǵa qyzyǵýshylyǵy bar balalar algebra, geometrııa, fızıka, matematıka pánderin jaqsy oqıdy. Sebebi munda esepteý de, ólsheý de, sanaý da bar. Bizdiń qolymyz - sheber, fantazııamyz - myqty», - deıdi ol.

Bizdiń kanalymyzǵa jazylyńyz:

Basty sózder: Nur-Sultan, Bilim, Qoǵam,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT