+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Bir apta ıen dalada qazba jumystaryna qatysyp, qundy tájirıbe jınadyq – volonterler

2020 jylǵy 16 qyrkúıek 20:56
Bólisińiz:
Bir apta ıen dalada qazba jumystaryna qatysyp, qundy tájirıbe jınadyq – volonterler

PETROPAVL. QazAqparat – Soltústik Qazaqstan oblysy Ýálıhanov aýdanyndaǵy Altyn orda dáýirine jatatyn «Qyzyl oba» qonysynda ekinshi jyl qatarynan arheologııalyq qazba jumystary júrgizilip jatyr. Bıyl respýblıkalyq «Asyl mura» volonterlik uıymy oba-mavzoleıdi topyraqtan arshýǵa ǵalymdarǵa kómekke jastardy jumyldyrdy. QazAqparat tilshisi qazba jumystaryna qatysqan volonterlerdiń bir tobymen tildesti.

Uqsas jańalyqtar

- Ózderińizdi tanystyryp ketseńizder.

- Meniń esimim – Symbat Sábıbaı. Shyǵys Qazaqstan oblysy, Óskemen qalasynan bolamyn. Bıyl Qazaqstan-Amerıkandyq erkin ýnıversıtetinde «Shet tili: eki shet tili» mamandyǵy boıynsha bakalavrdy bitirgenmin. Jýyrda «aýdarma isi» boıynsha magıstratýraǵa oqýǵa tústim.

- Meniń esimim – Zarına Ákimjan. Jasym 23-te. Nur-Sultan qalasynanmyn. Elordadaǵy joǵary oqý oryndarynyń birinde magıstratýrada bilim alyp jatyrmyn. Sińlimniń esimi - Kamıla Ákimjan. Ol da Nur-Sultan qalasynda turady. S.Seıfýllın atyndaǵy qazaq agrotehnıkalyq ýnıversıtetiniń 2-kýrs magıstranty.

- Qyzdar, tańdaǵan mamandyqtaryńyzdyń ne tarıhqa, ne arheologııaǵa qatysy joq. Ýálıhanov aýdanyna baryp, qazba jumystaryna qatysýǵa ne túrtki boldy?

Symbat Sábıbaı:

- Iıa, shyny kerek, mamandyǵymnyń tarıhpen eshqandaı baılanysy joq. Arheologııalyq qazba jumystaryna qatysamyn degen oı da bolmaǵan. «Asyl mura» volonterlik uıymy Kókshetaý qalasynda kezdesý uıymdastyrdy.

Osy kezdesýde SQO tarıhı-mádenı muralardy qorǵaý men qoldaný ortalyǵynyń mamandary bizben «Qyzyl oba» tarıhı eskertkishi jaıyndy qyzyqty da, mol maǵlumatpen bólisti. Pavlodardaǵy «Marǵulan Tsentr» ortalyǵynyń ǵalymdary «Qyzyl oba» jaıynda dáris oqyp, tanystyrylym jasady. Osydan keıin Altyn orda dáýirine jatatyn qonysty baryp kórýge degen, qazba jumystaryna qatysýǵa degen qyzyǵýshylyq týdy.

Osy jobanyń arqasynda bilim men sarqylmas tájirıbeden basqa, bolashaqta bizdi Qazaqstannyń kez kelgen jerinde uıymdastyrylatyn arheologııalyq qazba jumystaryna grın karta utyp aldyq.

Zarına Ákimjan:

- Maǵan bul joba jaıynda sińlim aıtty. Birneshe volonterlik baǵyt bar eken. Sonyń ishinen ózimdi qatty qyzyqtyrǵan osy arheologııalyq qazba jumystaryn tańdap aldym. Birden saýalnamany toltyryp, osylaısha qatysýshylar tizimine iliktim. Meniń mamandyǵyma qatysy bolmasa da bul sala men úshin qyzyq. Ári osy joba aıasynda elimizdiń ózge óńirlerin kórdim, tabıǵatymen tanystym.

Kamıla Ákimjan:

- 7-12 qyrkúıek aralyǵynda Ýálıhanov aýdanyndaǵy arheologııalyq qazba jumystaryna «Asyl mura» jobasy aıasynda volonter retinde qatystym. Bul meniń ekinshi ekspedıtsııam, bıyl tamyz aıynda ShQO-da arheologııalyq qazba jumystaryna qatystym.

Meniń arheologııaǵa degen qyzyǵýshylyǵym joǵary. Osy áýestigim jobaǵa qatysýǵa muryndyq boldy. Meniń oıymsha, arheologııalyq qazba jumystary júrip jatqan orynda bolý, tarıhı qundy jádiger tabý – kóptiń armany. Men qundy tájirıbe aldym. Tarıh jaıynda bilimimdi tolyqtyrdym.

- Volonter retinde tájirıbelerińiz bar ma? Bul joba sizderge ne berdi?

Kamıla Ákimjan:

- 2017 jyly Nur-Sultanda ótken halyqaralyq EKSPO kórmesinde 3 aı volonter boldym. Volonterlikpen aınalysýdyń jaqsy jaqtary kóp. Osy saparda men kóptegen qyzyqty adamdarmen, arheologtarmen tanystym. Qazba jumystarynan qol bosaǵanda, keshke alaý basynda án keshterin uıymdastyrdyq.

Jalpy bul jobaǵa qatysqanyma esh ókinbeımin. Bul ómirde beriletin múmkindikterdiń biri – ony mindetti túrde qoldaný kerek. Men áli kúnge sol jobadan alǵan jaqsy áserde júrmin. Ómirge degen qulshynysym artty, pozıtıvti kóńil-kúı syılady.

Zarına Ákimjan:

- Joǵary oqý ornynda oqyp júrip, volonterlikpen aınalysa bastadym. Negizinen belgili bir is-sharalarda, forýmdarda, konferentsııalarda erikti bolyp jumys istedim. Men qatysqan eń iri jobalardyń biri – EKSPO-2017 kórmesi.

Bul joba aıasynda Shyǵys Qazaqstan jáne Soltústik Qazaqstan oblystarynda bolýǵa múmkindik aldym. Eki ekspedıtsııada da bir-bir aptadan boldyq, ókinishke oraı ýaqyttyń qysqalyǵynan jumystyń nátıjesin kóre almadyq.

Soǵan qaramastan qundy tájirıbe aldym. Arheologııalyq qazba jumystarynyń qalaı júrgiziletinin, arheologtardyń qandaı jaǵdaıda jumys isteıtinin kórip, basymnan keshirdim. Bárimiz keı qıyn jaǵdaılardy birge ótkerdik, biraq qyzyqty, kóńildi shaqtar kóp boldy.

Birge SQO-da jumys istegen komanda - Kamıla, Symbat, Dana, Darhanǵa jáne ShQO-da tanysqan Anel, Aspan-Dııar jáne Gúlzııa Askenqyzyna alǵys aıtamyn.

Symbat Sábıbaı :

- Shetelde, óz elimizde mádenı, ekologııalyq, sporttyq jáne taǵy basqa jobalarda volonter bolyp júrgenime eki jyldan astam ýaqyt ótipti. Arheologııalyq qazba jumystaryna meniń birinshi ret qatysýym.

Qazba jumystarynda biz úırenshikti jaǵdaıdan shyǵyp, túrli qyzyqty jaıttardy bastan keshirdik. Máselen tańerteń saǵat 6.20-da jyly kórpemizden shyǵyp, daladaǵy qoljýǵyshta sýyq sýmen jýynyp, tańǵy as jasaýǵa kirisemiz. Qolymyz jarylyp ketken.

Qazaqtyń keń dalasynda elektr energııasy, uıaly baılanys, ınternet, jyly sýsyz qalaı ómir súrýge bolatynyn basymyzdan ótkerdik. Jańbyr jaýyp, jel turǵanda qıyn, ormansyz en dala bolǵandyqtan ón boıyńnan ótedi. Alǵashqy eki kún qıyn boldy. Keıin sýdy jylytyp, jýynýǵa beıimdeldik.

Qazba jumysynda uldar jer qazady, biz etkamen obanyń edenin, qabyrǵasyn tabamyz. Al keshke qaraı alaý basynda án salamyz. Generatordy qosqanda, telefondy qýattaý úshin kezekke turamyz. Internetke kirý úshin ár tóbeshiktiń basyna minemiz.

Al azyq-túlikti 10 shaqyrym jerdegi kórshi aýyldan tizimmen alǵyzyp otyrdyq. Bir apta bir kúndeı óte shyqty. Ár kúnimiz ómir boıy esimde qalmaq!

- Áńgimelerińizge rahmet, qyzdar!


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT