Jańalyqtar  >

Bir adamnyń uzaq ýaqyt bılikte bolýy durys emes - Qasym-Jomart Toqaev

2022 jylǵy 6 qazan, 17:17
Bir adamnyń uzaq ýaqyt bılikte bolýy durys emes - Qasym-Jomart Toqaev

ASTANA. QazAqparat – Bir adamnyń uzaq ýaqyt bılikte bolýy durys emes. Kezekten tys prezıdent saılaýynda Qasym-Jomart Toqaevtyń kandıdatýrasyn qoldaý jónindegi halyqtyq koalıtsııa forýmynda sóılegen sózinde Prezıdent osy máselege toqtaldy, dep habarlaıdy QazAqparat tilshisi.

«Taǵy bir bastama – Prezıdenttiń ókilettigin 7 jyldyq bir merzimmen shekteý. Men osy sheshim týraly kóp oılandym. Bir adamnyń uzaq ýaqyt bılikte bolýy durys emes degen tujyrymǵa keldim. Memlekettiń tiregi – jalǵyz Prezıdent emes, búkil halyq. Sondyqtan, el basqarýǵa jańa býyn ókilderiniń kelýi óte mańyzdy. Biz ult múddesin qorǵaıtyn jáne halyqqa adal qyzmet etetin azamattarǵa jol ashýymyz kerek. Naǵyz memleketshil, otanshyl, bilikti tulǵalar jurtty jasampaz isterge jumyldyryp, Qazaqstandy órkendete alady. Osy ustanym myzǵymas qaǵıdatymyz bolýǵa tıis», - dedi Prezıdent.

Memleket basshysy elimizde demografııalyq ahýal jaqsaryp kele jatqanyn aıta kelip, «Ańsaǵan sábı» baǵdarlamasyna toqtaldy.

«Ult saýlyǵy – basty baılyǵymyz. 2020 jyldan bastap mindetti áleýmettik medıtsınalyq saqtandyrý júıesi qoldanysqa engizildi. Sonyń arqasynda densaýlyq saqtaý salasyn qarjylandyrý 1,5 ese artty.

Medıtsınalyq kómektiń sapasyn jaqsartý úshin júıeli jumys atqarylyp jatyr. Sondaı-aq, dene shynyqtyrý salasyn damytýǵa erekshe kóńil bólinip otyr. Buqaralyq sportty damytý, túrli úıirmeler ashý qajettigi týraly mindet qoıyldy», - dedi Qasym-Jomart Toqaev.



Uqsas jańalyqtar
Seriktester jańalyqtary

Jańalyqtar