+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Bilim jáne ǵylym vıtse-mınıstri ózin aıyptaýshylardy sotqa berdi

2019 jylǵy 17 qyrkúıek 16:43
Bólisińiz:
Bilim jáne ǵylym vıtse-mınıstri ózin aıyptaýshylardy sotqa berdi

NUR-SULTAN. QazAqparat - Bilim jáne ǵylym vıtse-mınıstri Fatıma Jaqypova ǵylymı dáreje men ataqty zańsyz taǵaıyndaý máselesi boıynsha ózine qatysty aıyptaýǵa jaýap berdi, dep habarlaıdy QazAqparat tilshisi.

«Birqatar buqaralyq aqparat quraldarynda, áleýmettik jelide sybaılas jemqorlyq jáne ǵylymı dáreje men ataqty zańsyz taǵaıyndaý týraly maǵan qatysty aqparat tarap jatyr. Búgin Ulttyq memlekettik ǵylymı-tehnıkalyq saraptama ortalyǵy dıssertatsııany tekserdi. Qazaqstanda jazylatyn ǵylymı eńbekterdi plagıatqa tekseretin jalǵyz baǵdarlama tek atalǵan ortalyqta bar. Anyqtama skrınshotyn nazarlaryńyzǵa usynamyn», - degen vıtse-mınıstr qujattyń fotosýretin Facebook paraqshasyna júktedi.

Fatıma Jaqypova óziniń myńdaǵan áriptesi sııaqty ǵylym kandıdaty, ǵylym doktory dárejelerin alýdyń barlyq kezeńderinen: jumysty kafedrada talqylaýdan sarapshylar jáne opponentterdiń, kópshiliktiń aldynda qorǵaýǵa deıingi satylardan tolyq ótkenin málim etti.

«2011 jyldan bastap Qazaqstan kandıdattyq jáne doktorlyq dárejelerden bas tartyp, tolyqtaı fılosofııa doktory - PhD dárejesine aýysty. Dıssertatsııalyq jumystarǵa qoıylatyn talap ózgerdi. Basylymdarǵa jáne dáıeksóz alýǵa qatysty halyqaralyq ustanymdar qosyldy. Naqty aıtyp ketetin taǵy bir jaıt: 2011 jylǵa deıin ǵylymı dárejeni berý sol kezdegi erejelerge sáıkes dıssertatsııalardy Antıplagıat baǵdarlamasy arqyly tekserý múlde bolǵan joq. Ol tek jańa júıe sońǵy jańa erejelerde kórsetilip, fılosofııa doktory - PhD dárejesine ǵana qoldanyla bastady. Iá, bul alǵa basqan durys qadam boldy. Biraq eshqandaı jaǵdaıda da elimizdiń myńdaǵan ǵalymynyń – meniń áriptesterimniń ǵylymı eńbekterin synaý men olardy joqqa shyǵarý maqsatynda emes!» - deıdi ol.

Fatıma Jaqypovanyń aıtýyna qaraǵanda, 2011 jylǵa deıin ǵylymı dáreje Bilim jáne ǵylym mınıstriniń 2003 jylǵy 10 qańtardaǵy №16 buıryǵymen bekitilgen jáne 2011 jylǵa deıin kúshinde bolǵan erejelerge sáıkes berilgen. Osylaısha, 10-shy tarmaqqa sáıkes, avtor jańa sheshimderdi naqty túrde dáleldep, synı baǵalaýy tıis bolatyn. Sonymen qatar, avtorlarǵa uıymdardan ǵylymı tujyrymdardyń tájirıbelik máni jáne ǵylymı tujyrymdardy paıdalaný boıynsha keńester usynylatyn.

«Atalǵan erejeniń 11-shi tarmaǵynda dıssertatsııanyń negizgi mazmuny keminde 30 ǵylymı eńbekte, onyń ishinde, 10 jeke, 3 sheteldik ǵylymı basylymda jáne Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy qadaǵalaý men attestattaý komıteti bekitken tizbedegi (keminde bes túrli ataý) 10 basylymda jarııalanýy kerektigi aıtylǵan. Men atalǵan talaptardy tolyǵymen saqtaı otyryp, eńbekterimdi tıisti jarııalanymdarda basyp shyǵardym. Sonymen qatar, kez kelgen adam avtordyń qorǵaýǵa usynǵan erejelerimen ashyq túrde tanysa alady. 15-shi tarmaqta dıssertatsııa ázirlengen uıym dıssertatsııanyń aldyn ala saraptamasyn ótkizetini kózdelgen. Meniń jumysym boıynsha, dál solaı barlyq basqa da jumystar boıynsha ǵylymı jańashyldyqtyń bolýyna, ózektiligine jáne tájirıbelik mánine qatysty saraptama júrgizetin retsenzentter taǵaıyndalyp, olar dıssertatsııa boıynsha oń pikir berdi», - deıdi Fatıma Jaqypova.

Vıtse-mınıstrdiń aıtýynsha, jumysty sondaı-aq úsh opponent tekserip, dıssertatsııanyń jańa ǵylymı nátıjeleri men avtordyń kópshilik aldyna usynylatyn erejeleriniń jıyntyǵyna qatysty synı baǵalaı otyryp, qorǵaýǵa jiberýge bolatynyn anyqtaıdy.

«Ol satydan da meniń dıssertatsııam durys ótti. Barlyq qorǵaý kezeńderinen ótý zańdylyǵyn rastaıtyn qujattar bir aıdyń ishinde Bilim jáne ǵylym salasyndaǵy qadaǵalaý men attestattaý komıtetine usynylatyn, onda jumys taǵy bir ret táýelsiz sarapshylardyń qatysýymen saraptamadan ótedi, ol satydan dıssertatsııa sátti ótti. Tek barlyq kezeńderden sátti ótken soń ǵana ǵylymı dáreje beriletin. Ǵylymı dárejeni berý zańdylyǵyn rastaıtyn barlyq qujattar muraǵatta 75 jyl boıy saqtalady. Eń sońǵy aıtarym. Osyǵan deıin maǵan jáne meniń áriptesterime qatysty taratylǵan jalǵan aqparat boıynsha ar-namysymyzdy, abyroıymyzdy jáne iskerlik bedelimizdi qorǵaý týraly talap-aryz sotqa joldanyp, sot óndirisine qabyldandy», - dep jazdy Fatıma Jaqypova.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT