+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Bilim jáne ǵylym mınıstrliginiń tsıfrlyq maqsattary qandaı

2020 jylǵy 30 maýsym 09:44
Bólisińiz:
Bilim jáne ǵylym mınıstrliginiń tsıfrlyq maqsattary qandaı

NUR-SULTAN. QazAqparat – Bilim jáne ǵylym mınıstri Ashat Aımaǵambetov tsıfrly ekonomıkaǵa qajetti adamı kapıtaldy damytý úshin qandaı baǵyttaǵy jumys qolǵa alynatynyn jetkizdi, dep habarlaıdy QazAqparat tilshisi.

«Qazirgi zamanda adamı kapıtal kez kelgen memlekettiń básekelestiginiń basty faktoryna aınalǵany belgili. Dúnıejúzilik ekonomıkalyq forýmnyń baıandamasynda bolashaqta 10 jumys ornynyń 9-y tsıfrlyq daǵdylardy talap etetini atap kórsetilgen. Sonymen birge 2030 jylǵa qaraı álem boıynsha kem degende 1 mıllıardtan astam adamdy qaıta oqytý qajet bolady. Óz kezeginde McKinsey-diń boljamyna sáıkes, 2030 jylǵa qaraı tsıfrly daǵdylarǵa degen qajettilik kem degende 55%-ǵa ósedi», - dedi Ashat Aımaǵambetov Úkimet otyrysynda.

Onyń aıtýynsha OESR baıandamasynda jumys oryndarynyń 32%-dan astamy, tsıfrlandyrýdyń saldarynan túbegeıli qaıta qurylatyny jaıly boljam keltirilgen.

«Sondyqtan qazirgi zamanda tsıfrlyq saýat - oqý jáne esepteý sııaqty bazalyq daǵdylardyń mindetti bóligine aınalýda. Biraq ol elektrondyq poshtamen, izdeý júıelerimen jumys isteý degennen keńirek ekenin atap ótken jón. Bul rette áńgime tek kompıýterlik saýattylyq týraly ǵana emes, sonymen qatar ozyq tsıfrly quzyretter týraly bolyp otyr», - dedi ol.

Ashat Aımaǵambetov osy rette Qazaqstan birneshe jyl boıy bilim berý salasyndaǵy halyqaralyq zertteýlerge qatysqanyn aıtyp ótti.

«Zertteýler kórsetkendeı, elimizdegi «gadjetızatsııanyń» joǵary deńgeıi tsıfrly daǵdylardyń joǵary deńgeıine aıtarlyqtaı áser etpeıdi. ICILS zertteýine sáıkes 14 jastaǵy oqýshylarymyzdyń 54% -dan astamy tsıfrly saýattylyqtyń tómengi deńgeıinde. Al PIAAC zerteýine sáıkes 6-34 jas aralyǵyndaǵy azamattardyń tek árbir 5-shisi tsıfly daǵdylardyń jaqsy deńgeıine ıe. Biraq tsıfrly ekonomıkaǵa qajetti adamı kapıtal tek ǵana osy tsıfrly quzyrettilikti ǵana qajet etpeıdi. Tsıfrly ekonomıkaǵa qajetti adamı kapıtal úshin sandyq quzyrettiliktikke qosa soft skılsti damytý qajet. Ol degenimiz fýnktsıonaldyq saýattylyq, synı oılaý, kreatıvtilik, oqyp jáne taldaı bilýi», - dedi ol.

Ashat Aımaǵambetov bul baǵytta basty qadamdar bastalǵanyn, 2016 jyldan bastap mektepterde fýnktsıonaldy saýattyń damýyn kózdeıtin jańa bilim baǵdarlamalary engizilgenin jetkizdi.

«Kelesi oqý jylynda barlyq synyptyń jańa baǵdarlamaǵa kóshýin aıaqtaımyz. Kelesi qadam - bilim berýdiń barlyq deńgeılerinde tsıfrlyq quzyret engizý. Osyǵan oraı bizdiń aldymyzda kelesi mindet tur. Birinshiden - ІT salasynyń álemdik standarttarǵa saı mamandaryn daıyndaý. Ekinshi - basqa da sala mamandaryn tsıfrly qurzyretpen qamtyp oqytý jáne qaıta daıarlaý. Úshinshiden - barlyq azamattarǵa bazalyq tsıfrlyq saýat berý», - dedi Ashat Aımaǵambetov.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT