+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Bilim salasynyń ardageri: Abaıdy ulyqtaý - eldigimizdi, ana tilimizdi ulyqtaý

2020 jylǵy 11 qańtar 21:07
Bólisińiz:
Bilim salasynyń ardageri: Abaıdy ulyqtaý - eldigimizdi, ana tilimizdi ulyqtaý

KÓKShETAÝ. QazAqparat - Abaıdy ulyqtaý - eldigimizdi, ana tilimizdi ulyqtaý. Bilim berý salasynyń ardageri, Kókshetaý qalasynyń qurmetti azamaty Telman Muqyshev osyndaı pikir bildirdi, dep habarlaıdy QazAqparat tilshisi.

Uqsas jańalyqtar
SQO-da joǵary oqý ornyna jáne qazaq mektebine Abaı esimi beriledi Pavlodarlyq oqýshylar Abaı óleńderin 9 tilde jatqa oqydy Reseıdiń Esil qalasynda Abaı atyndaǵy qazaq tili synyby ashylady

«Kúni keshe QR Prezıdenti Qasym - Jomart Toqaevtyń «Egemen Qazaqstan» gazetinde «Abaı jáne HHІ ǵasyrdaǵy Qazaqstan» atty kólemdi de mazmundy maqalasyn oqyp, jeke oıymdy shákirtterimmen jáne áriptesterimmen bóliskenimdi jón kórdim.

«Abaı – dara tulǵa, Abaı - dana tulǵa. Abaıdy tanyǵan – adaspas», - dep óz atamnyń aıtqan sózi búgingi kúni de men úshin óziniń mańyzdylyǵyn joǵaltqan emes», - deıdi Telman Muqyshev.

Ardagerdiń aıtýynsha, qazaq ádebıetin álemdik deńgeıde tanytyp, mýzykaǵa úılestirip, bıik sahnalar tórinde oryndap júrgen talaı qazaq juldyzdary da dombyranyń shanaǵynan kúıleri men ánderin tógip pash etkendigi – jastar boıynda Abaı atalaryna degen ystyq yqylasy men zor qurmetiniń kórinisi dep túsinýge bolady.

«Qazirgi jastar boıynda ultjandylyq pen eńbekqorlyq qasıetterin darytý maqsatynda Abaı shyǵarmalaryn oqytyp tanytý – bolashaqta kemel bilimdi jas býyn azamattardy tárbıeleýge zor yqpalyn tıgizedi degen oıdamyn.

Osy jyly ótkiziletin aýqymdy is-sharalarǵa, onyń ishinde respýblıkalyq, óńirlik tipti aýyldyq jerler deńgeıinde aqyndar aıtysy, kúıshiler dodalary ótkizilýine qatysyp, óz óneri arqyly Abaıdyń óshpes murasyn dáripteıtin jastar úshin úlken qurmet, keremet múmkindik týyp otyr.

Abaıdy qurmet tutý – ultyńdy qurmet tutýmen teń. Endeshe, Abaıdy ulyqtaý - eldigimizdi, ana tilimizdi ulyqtaý bolyp tabylady», - dep túıindedi Telman Muqyshev.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT