Bilim mınıstrligi oqýshylar toqsan boıy onlaın oqıdy degen pikirge naqty jaýap berdi

NUR-SULTAN. QazAqparat – Elimizdiń úsh qalasynda mektep oqýshylary sabaqty onlaın formatta oqıdy. Bul týraly QR Bilim jáne ǵylym mınıstrligi mektepke deıingi jáne orta bilim komıteti tóraǵasy Gúlmıra Karımova málim etti, dep habarlaıdy QazAqparat tilshisi.

«Búgin mektepte úshinshi toqsan bastaldy, ol 18 naýryzǵa deıin jalǵasady. Oqý ártúrli formatta bolady. Bizdiń mınıstrliktiń ustanymy mektep oqýshylarynyń dástúrli formatta oqyǵany jáne sol úshin de bar jaǵdaıdy jasaıdy. Úsh qalada, atap aıtqanda Nur-Sultan, Almaty jáne Shymkentte úshinshi toqsan qashyqtan oqytý formatynda bastaldy. Biraq bul

mektep oqýshylary úshinshi toqsan boıy onlaın rejımde bilim alady degendi bildirmeıdi. Epıdahýal jaqsarǵan jaǵdaıda sanıtarlyq dárigerler oflaın oqytýǵa aýystyrý týraly sheshim qabyldaıdy», - dedi Gúlshmıra Karımova OKQ-de onlaın ótken baspasóz máslıhatynda.

Onyń aıtýynsha, basqa óńirlerde de 600-den kóp oqýshysy bar mektepter qashyqtan oqýǵa kóshýi tıis.

«1-2 synyp oqýshylary olardyń jas ereksheligin eskere otyryp sabaqty mektepke kelip oqıdy. 3-5 synyp oqýshylary kezekshi top formatynda bilim alady. Al qalǵan synyptar qashyqtan oqýǵa kóshýi tıis. Sondaı-aq, mektepte 600 oqýshydan az bolsa, ol mektepke dástúrli formatta bilim berýge ruqsat», - deıdi ol.