+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Bilim mınıstrligi «Astana» ýnıversıtetine hattama toltyryp, sotqa berdi

2020 jylǵy 7 qyrkúıek 18:20
Bólisińiz:
Bilim mınıstrligi «Astana» ýnıversıtetine hattama toltyryp, sotqa berdi

NUR-SULTAN. QazAqparat – QR Bilim jáne ǵylym mınıstrligi tekserý jumystaryna kedergi keltirgeni úshin «Astana» ýnıversıtetine qatysty ákimshilik hattama toltyryp, sotqa joldady, dep habarlaıdy QazAqparat tilshisi.

Hattama QR Ákimshilik quqyq buzýshylyqtar kodeksiniń 462-baby, 2-bóligi (Memlekettik ınspektsııalar men memlekettik baqylaý jáne qadaǵalaý organdarynyń laýazymdy adamdaryna óz qyzmettik mindetin oryndaýyna kedergi keltirý, qaýlylardy, nusqamalardy jáne ózge de talaptardy oryndamaý, bir jyl ishinde qaıtalanǵan áreketter) boıynsha jazylǵan.

«Astana» ýnıversıtetine qatysty búgingi tekserý jumystaryna kedergi keltirý jóninde hattama toltyryldy. Bizdiń qyzmetkerler aldyna ýnıversıtettiń birde-bir basshysy shyqqan joq. Ótinishte kórsetilgen máeleler boıynsha suraǵan qujattar berilgen joq. Sol sebepti, Ákimshilik quqyqbuzýshylyqtar týraly kodekske sáıkes, hattama toltyrylyp, búgin-erteń sotqa jiberiledi. Quqyqbuzýshylyq bir jyl ishinde qaıtalanǵany úshin aıyppul kólemi 2-3 esege ósýi múmkin», - dedi QR BǴM Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary Ǵalymjan Jumashev QazAqparat tilshisine bergen suhbatynda.

Onyń aıtýynsha, sot sheshimi shamamen 2 apta ishinde shyǵýy tıis. Sot óz sheshimimen mınıstrliktiń tekserý júrgizýin, barlyq qujattardyń kórsetilýin mindetteı alady.

Sonymen birge, Ǵ. Jumashev «Ýnıversıtettiń lıtsenzııasy ýaqytsha toqtatylýy múmkin be? Stýdentterdiń jaǵdaıy ne bolmaq?» degen suraqqa jaýap berdi.

«Búgin ýnıversıtette tekserý júrgizgen joqpyz, óz jumysymyzdy aıaqtaı almadyq. Lıtsenzııany ýaqytsha toqtatý úshin bizdiń komıtettiń qaýlysy shyǵýy kerek. Qaýly shyǵarý úshin tekserý jumystaryn júrgizý qajet. Búgin hattama jiberip, sot sheshimin kútemiz. Al stýdentter oqýyn ári qaraı jalǵastyra beredi. Bul protsess olardyń oqýyna áser etpeıdi. Al mınıstrlikke ótinish bergen 14 stýdenttiń máselesi sheshilmeı qaldy», - dep jaýap berdi Ǵ. Jumashev.

Aıta keteıik, búgin QR Bilim jáne ǵylym mınıstrligi «Astana» ýnıversıtetine jospardan tys tekserýdi bastady. Oǵan 14 stýdenttiń shaǵymy negiz boldy.

Stýdentter ýnıversıtette oqytýshy joqtyǵyn, ǵylymı jetekshilerdi jumystan bosatyp, olardyń ornyna basqa maman bekitilmegenin, basqa JOO-ǵa aýysqysy kelgen stýdentterdiń qujattary berilmegenin aıtyp shaǵymdandy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT