+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Bilim mınıstri Ulttyq keńes múshelerin Prezıdent tapsyrmalarynyń oryndalý barysymen tanystyrdy

2021 jylǵy 23 sáýir 22:33
Bólisińiz:
Bilim mınıstri Ulttyq keńes múshelerin Prezıdent tapsyrmalarynyń oryndalý barysymen tanystyrdy

NUR-SULTAN. QazAqparat – Búgin Bilim jáne ǵylym mınıstri Ashat Aımaǵambetov pen Ulttyq qoǵamdyq senim keńesiniń músheleri arasynda onlaın-kezdesý ótti, dep habarlaıdy QazAqparat.

Kezdesýde mınıstr Ulttyq keńes sheńberindegi Prezıdent bastamalaryn júzege asyrý jónindegi aqparatpen bólisti. UQSK qyzmeti sheginde Bilim jáne ǵylym mınıstrligine mundaı 48 tapsyrma berildi.

Atap aıtqanda, Ashat Aımaǵambetov mektepke deıingi bilim berýdiń jańa modelin engizý, oqýlyqtardyń sapasyn, orta, kásiptik jáne joǵary bilim berý júıelerindegi qarjylyq, uıymdastyrýshylyq máselelerdi qamtamasyz etý boıynsha sharalardy iske asyrý barysyna toqtaldy. Sonymen qatar, mınıstr pedagogtardyń áleýeti men mártebesin arttyrý jónindegi is-sharalardyń oryndalýy, sondaı-aq pedagogıkalyq mamandyqtardyń túlekterin attestattaýǵa qosymsha talaptardy engizý týraly aqparatpen bólisti.

Odan bólek, mınıstr ǵylymnyń damýyna, atap aıtqanda, doktoranttardyń ǵylymı taǵylymdamalaryna jyl saıyn qarajat bólý, baǵdarlamalyq-maqsatty qarjylandyrýdy tek ǵylymı-tehnıkalyq mindetter negizinde iske asyrý, ǵylymı ınstıtýttardyń tehnıkalyq jabdyqtaý máselelerine toqtaldy.

Osydan keıin kezdesý suraq-jaýap formatynda jalǵasty. UQSK músheleri talqylaýǵa belsene qatysyp, Aıgúl Orynbek, Jemis Turmaǵambetova, Laýra Demesinova, Qaısar Tursynǵoja, Maksım Rojın, Marat Bashımov, Arman Qashqynbekov, Andreı Chebotarev, Tattygúl Talaeva, Saıasat Nurbek jáne Aınur Sabıtova mınıstrge óz suraqtary men usynystaryn aıtty.

Atap aıtqanda, Ulttyq keńes músheleri kolledjderdi jekemenshik kompanııalarǵa senimgerlik basqarýǵa berýge, oqý oryndaryn beınebaqylaý júıesimen jabdyqtaýǵa, jumys isteıtin muǵalimderdiń biliktiligin tekserý jáne sabaqtas pánder boıynsha sabaq berý múmkindigine ruqsat alýǵa, belgili bir baǵyttar boıynsha joǵary oqý oryndaryna qoıylatyn talaptardy kúsheıtýge qatysty suraqtar qoıdy.

Sonymen qatar, UQSK músheleri muǵalimder men oqýshylardyń jeke derekterin qorǵaýǵa, áıel ǵalymdardyń ǵylymı zertteýlerge qatysýyna, ǵylymı qyzmetke qatysýshylardy akkredıtteý erejelerine, sondaı-aq joǵary oqý oryndarynyń rektorlaryn saılaý rásimderine qatysty máselelerdi kóterdi.

Kezdesý qorytyndysy boıynsha qatysýshylar Ulttyq keńes qyzmeti sheńberinde odan ári ózara áreket etýge daıyn ekendikterin rastady. Jaqyn arada osyndaı kezdesýler basqa mınıstrlik basshylarymen ótkiziletin bolady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT