+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Bilim mınıstri: Beınesabaqtar qazaq jáne orys tilderinde jazylýda

2020 jylǵy 27 naýryz 17:24
Bólisińiz:
Bilim mınıstri: Beınesabaqtar qazaq jáne orys tilderinde jazylýda

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov ýaqytsha qashyqtan oqytýǵa kóshý sheshimine baılanysty pikir bildirdi, dep habarlaıdy QazAqparat tilshisi.

«Sońǵy ýaqytta mektepterde oqý protsesi qalaı uıymdastyrylatyny týraly kóptegen suraqtar kelip túsýde, óıtkeni tórtinshi toqsannyń bastalýyna nebári on kún qaldy. Adamdardyń boıynda, ásirese, osyndaı qıyn kezeńde, jańa ári belgisiz nársege degen qorqynysh seziminiń bolýy – qalypty jaǵdaı. Fors-majorlyq jaǵdaıda bilim berý salasynda bolyp jatqan protsester bizge tek paıdasyn tıgizedi dep sendirgim keledi. Biz synı pikirlerdi estip te, kórip te otyrmyz. Degenmen, qashyqtan bilim berýge kóshý – koronavırýstyq ınfektsııanyń taralýyn azaıtýǵa baǵyttalǵan sharalar aıasynda júzege asyp jatqanyn barlyǵy túsingeni jón. Ókinishke qaraı, basqa tańdaý joq. Oqý protsesi toqtatylmaýy tıis», - dep jazdy mınıstr áleýmettik jelidegi paraqshasynda.

Osy oraıda A. Aımaǵambetov mınıstrlik osyndaı jaǵdaıǵa tap bolǵan basqa elderdiń tájirıbesin aldyn ala zerdelegenin atap ótti. Іs júzinde olardyń barlyǵy qashyqtan oqý rejimine kóshken, ıaǵnı búkil álem boıynsha 870 mıllıonnan astam oqýshy osyndaı formatta bilim alýda.

«Barlyq múmkindikterdi, aspektiler men táýekelderdi jan-jaqty oı eleginen ótkize otyryp, biz de ýaqytsha qashyqtan oqytýǵa kóshý týraly sheshim qabyldadyq. Birinshiden, teledıdar arqyly sabaq ótkizý. Bul - tipten jańa format. «Balapan» jáne «El Arna» telearnalary bizge ózderiniń efırlik ýaqytyn usyndy. Túsirilim jumystary bastalyp ketti. Negizgi pánder boıynsha 2000-nan astam beınesabaq túsirý qajet. Men keshe túsirilim jumystary júrgizilip jatqan stýdııada boldym. Stsenarıı jazýshylardan, rejısserler men pedagogterden turatyn jumys toby árbir shyǵarylymdy muqııat pysyqtaýda. Bizdiń ustazdar telejúrgizýshi retindegi múldem jańa róldi meńgerýde. Beınesabaqtar qazaq jáne orys tilderinde jazylýda. Bul ońaı is emes ekenin birden aıtqym keledi», - dedi vedomstvo basshysy.

Ekinshiden, arnaıy mamandandyrylǵan ınternet-platformalary arqyly sabaqtar ótkizý qarastyrylǵan. Bul tsıfrlyq júıeler oqýshylarǵa ótken sabaqty nemese buryn talqylanǵan taqyrypty qaıta qaraýǵa, sondaı-aq onlaın-sabaq ótkizýge, keri baılanys ornatýǵa, jeke dara oqytý men tapsyrmalardy geımıfıkatsııalaýǵa zor múmkindik beredi.

«Sonymen qatar, bul format testileý jumystaryn ótkizýge jáne alǵan bilimderin baǵalaýǵa múmkindik jasaıdy. Buryn mundaı kompanııalardyń bilim berý kontentine qol jetkizý aqyly bolsa, osy kezeńde bizdiń balalar barlyq kerek aqparatty jáne platformalardy tegin paıdalana alady. Tıisti kelisimge qol jetkizdik. Sondaı-aq, biz ınternet-provaıderlerimen osy resýrstardy paıdalanǵan kezde trafık eseptelmeıtindeı kelisim ornattyq», - dep naqtylady Ashat Aımaǵambetov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT