+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Bilim mekemelerinde tyıym salynǵan zattardyń tizbesin zań túrinde bekitý usynyldy

2020 jylǵy 21 qyrkúıek 15:45
Bólisińiz:
Bilim mekemelerinde tyıym salynǵan zattardyń tizbesin zań túrinde bekitý usynyldy

TARAZ. QazAqparat – Jambyl oblysynyń ákimi Berdibek Saparbaev kámeletke tolmaǵandar arasyndaǵy quqyq buzýshylyqtardyń aldyn alý máseleleri boıynsha keńes ótkizdi. Oǵan bilim berý salasy men ishki ister organdarynyń, prokýratýra ókilderi, mektep dırektorlary jáne oqýshylardyń ata-analary qatysty, dep habarlaıdy QazAqparat tilshisi.

Aımaq basshysy sońǵy kezderi joǵary synyp oqýshylary arasynda toptyq tóbelesterdiń jıilep ketkenin, onyń biri ólimmen aıaqtalǵanyn atap ótti. Jasóspirimder arasyndaǵy qylmystyń 38,3% tómendeý kórsetkishine toqmeıilsýge bolmaıdy. Mysaly, kámeletke tolmaǵandar jasaǵan aýyr qylmystardyń sany 114,2% qurady.

ıÝvenaldy polıtsııanyń aǵa ınspektory Qýanyshbek Qaljanov mekteptegi beınekameralardy polıtsııa departamentiniń jedel basqarý ortalyǵynyń júıesine qosýdy jáne bilim berý mekemeleriniń aýmaǵynda tyıym salynǵan zattardyń tizbesin zańnamalyq túrde bekitýdi usyndy.

Kámeletke tolmaǵandardyń isteri jáne olardyń quqyqtaryn qorǵaý jónindegi oblystyq komıssııanyń hatshysy Baqyt Jaqsylyqova 70-ten astam otyrys ótkizilgenin, onyń qorytyndysy boıynsha 47 adam ata-ana quqyǵynan aıyrylǵanyn, 244 otbasy men 318 bala arnaıy qoldaý sharalarymen qamtylǵanyn habarlady. Bul rette, bilim berý mekemeleriniń ıývenaldy ınspektorlarmen qamtylý kórsetkishi 52 paıyzdy ǵana quraıdy. Búginde ishki ister organdarynda 126 jasóspirim esepte tur, olarǵa qatysty qajetti jumystar júrgizilýde.

Sonymen qatar, bilim basqarmasynyń basshysy Gúlnar Hodjabergenova keıbir ata-analardyń balalaryna degen jaýapsyz kózqarasyna nazar aýdaryp, olardyń tárbıe máselesin tek mektepke ysyryp qoıatynyna qynjylys bildirdi. Qazirgi tańda kóptegen balalar úıleri balalardyń bolmaýyna baılanysty jabylyp jatyr. Bala otbasynda tárbıelenýi kerek degen memlekettik saıasat kúshine enýde. Qazir oblystyń tıisti mekemelerinde 113 bala tárbıelenýde. Sondaı-aq ol kámeletke tolmaǵan qyzdar arasynda erte júktilik faktileriniń kóbeıýine kóńil bóldi.

Oblys ákimi eger balalalardyń turaqty túrde aınalysar dúnıesi bolmasa, onda júrgizilip jatqan túsindirý jumystary men basqa da aldyn alý sharalary nátıje bermeıtinin atap ótti.

«Bul oraıda bos ýaqyt tıimdi ótkizý men tárbıege qatysty, sport sektsııalary, úıirmele jáne qosymsha bilimmen qamtamasyz etý máselelerine den qoıý kerek. Eger balaǵa eshkim kóńil bólmese, onyń bos ýaqyty jáne tárbıesimen eshkim aınalyspasa, onda qur túsindirý jumystarynan paıda bolmaıdy», - dedi Berdibek Saparbaev shara qoldanýdy tapsyryp.

Óńir basshysy mektep túlekteriniń qaı JOO-ǵa túsetinin, eger oqýǵa túspese, qaıda jumysqa ornalasqanyn baqylap otyrýdy talap etti. Berdibek Saparbaev «Shóldala» turǵyn alaby men «Jeńis» saıabaǵyndaǵy tóbeleske qatysqan oqýshylardyń ata-analaryn da tyńdady.

«Kámeletke tolmaǵandardyń zańsyz áreketteri úshin ata-analardyń jaýapkershiligin arttyrý qajet. Muǵalimder balany táýlik boıy baqylaı almaıdy. Otbasynda ata-ana adamgershilik turǵyda tárbıeleý daǵdylaryn qalyptastyrýy tıis. Balalary zań buzǵan mektepter men nemquraıly ata-analar týraly ashyq aıtý kerek. Búgingi kúni ákeler men analar ata-analar jınalysyna jıi qatyspaıdy, ata-ana men mektep arasyndaǵy baılanys úzilýde. Buǵan jol bermegen abzal. Biz tártiptiń mańyzdylyǵyn umyta bastadyq, onsyz jańa urpaq tárbıeleý jáne quqyqtyq qoǵam qurý múmkin emes», - dep túıindedi Jambyl oblysynyń ákimi.



Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT