+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Bilim berý salasyndaǵy ońtaılandyrý kimderden bastalady

2019 jylǵy 19 qyrkúıek 12:56
Bólisińiz:
Bilim berý salasyndaǵy ońtaılandyrý kimderden bastalady

NUR-SULTAN. QazAqparat – «Adal bilim» jobalyq keńesiniń ákimshisi Sergeı Pen bilim berý salasyndaǵy ońtaılandyrý kimderden bastalatynyn aıtty, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginde ótken brıfıng barysynda «Adal bilim» jobalyq keńesiniń ákimshisi Sergeı Pen bilim berý salasyndaǵy ońtaılandyrýdyń ekinshi kezeńi qalaı júrip jatqanyn baıandady.

«QR Bilim jáne ǵylym mınıstrligine baǵynatyn 50-den astam kvazımemlekettik uıym bar. Olarda 8 myńnan astam qyzmetker jumys isteıdi. Jyl saıyn bul uıymdardyń jumysyna 20 mlrd teńgeden astam bıýdjet qarajaty jumsalady. Mınıstr Ashat Aımaǵambetovtiń ózi bastamashy bolǵan ońtaılandyrýdyń birinshi kezeńi aıaqtaldy. Tek tehnıkalyq, quqyqtyq bóligi qaldy. Uıymdastyrý-quqyqtyq formasyn ózgertý maqsaty iske asty deýge bolady. Keıbir mekemelerdi biriktirip, eńbekaqy qoryn qaıta qaraý jumystary aıaqtaldy. Ekinshi kezeńi áldeqaıda kúrdeli dep aıtýǵa bolady. Arnaıy qurylǵan jumys toby tereń fýnktsıonaldyq taldaý júrgizedi. Qyzmetter bir-birin qaıtalap jatqan joq pa? Memlekettik tapsyrma qanshalyqty oryndy qoıylǵan? Ol negizdi iske asyp jatyr ma? Atalmysh qyzmetti básekeli ortaǵa jiberse ne bolady? Osy mazmundaǵy saýaldar tóńireginde zertteý júrgiziledi. Eńbekaqy qory, ákimshilik shyǵyndar, ǵımarat jaldaý quny jáne onyń oryndylyǵy, ol ǵımaratty kútip-ustaý, oǵan qyzmet etetin jumysshylar shtaty qanshalyqty tıimdi qurylǵany da jan-jaqty zerdelenedi. Osydan keıin baryp atalǵan uıymdar qyzmetiniń tıimdiligi qaralady», - degen Sergeı Pen ońtaılandyrý eń áýeli qaı uıymdardy qamtýy múmkin ekenin aıtty.

«Mysaly «Órleý» mekemesi biliktilikti arttyrýmen aınalysady. Bizdiń qaı óńirde qansha adam biliktiligin arttyryp, qandaı nátıjege qol jetkizgenin bilgimiz keledi. Ol iske kim jaýapty bolǵanyn, qansha qarajat ketkenin, biliktilikten ótken mamannyń shynymen sapaly qyzmetkerge aınalǵanyn qandaı ólshemder dáleldeıtinin anyqtaımyz. Birinshi kezekte qarjyny eń kóp shyǵyndaıtyn uıymdar ońtaılandyrýǵa ushyraıdy. Olar «Órleý», «Kásipqor», «Sıtýatsııalyq taldaý ortalyǵy» sııaqty 8 iri uıym. Atalmysh uıymdardyń 17 óńirde fılıaldary bar. Olardyń bári ol jaqta qanshalyqty ttıimdi jumys istep jatqanyn bilgimiz keledi», - dedi «Adal bilim» keńselik jobasynyń ákimshisi.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT