+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Bilim berý nysandaryndaǵy qaýipsizdik sharalaryn júıeli júrgizý kerek - professor

2021 jylǵy 29 maýsym 15:40
Bólisińiz:
Bilim berý nysandaryndaǵy qaýipsizdik sharalaryn júıeli júrgizý kerek - professor

NUR-SULTAN. QazAqparat – Qazaq ekonomıka, qarjy jáne halyqaralyq saýda ýnıversıtetiniń professory, zań ǵylymdarynyń doktory, advokat Bahtııar Bóleýlıev bilim berý oryndarynda qaýipsizdikti kúsheıtýge qatysty pikir bildirdi, dep habarlaıdy QazAqparat tilshisi.

Uqsas jańalyqtar
TMD elderi mınadan tazartý baǵytynda birlesip jumys isteıdi Qarqaralyda stýdentter úshin 100 oryndyq jataqhana salyndy Almaty ustazdary «Digital Ustaz Almaty» konkýrsy aıasynda bilim alýda

«Balalardyń qaýipsizdigi óte mańyzdy ekenin eskersek, bul baǵytta atqarylyp jatqan jumystarǵa barynsha qoldaý jasaǵan jón. ıAǵnı qarjylyq turǵyda qajetti qarajatty bólýdi, sonyń maqsatty ıgerilýin qamtamasyz etý kerek. Mektepter beınekameramen 100 paıyz qamtamasyz etilse, bilim berý uıymdaryn lıtsenzııalanǵan kúzetpen qamtysa – bul qadamdar qoldaýdy qajet etedi. Atap aıtqanda, osy jumystar toqtap qalmaı, aldaǵy ýaqytta da júıeli túrde júrgizilýi tıis», - dedi B. Bóleýlıev.

Onyń paıymynsha, bul baǵytta álem elderindegi ozyq tájirıbeler jiti zerttelýi kerek. Osy oraıda beınekamera nemese kuzet qyzmetimen shektelmeı, basqa da tyń qadamdar eskerilgeni mańyzdy. Sonymen qatar, mundaı jumystar mekteptermen qatar, balabaqsha, kolledj ári joǵary oqý oryndary ǵımarattarynda da qarastyrylǵany abzal.

«Taǵy bir máselege toqtalsaq, beınebaqylaý kameralary avtokólik joldarymen qatar, úılerdiń aýlasynda da ornatylýy kerek. Óıtkeni buzaqylyq nemese qylmystar aýlada jasalady», - dedi ǵalym.

Bahtııar Bóleýlıev qarý alýǵa ruqsat berý talaptaryn da kúsheıtý kerektigin atap ótti.

Eske sala keteıik, búgin Úkimet otyrysynda QR Bilim jáne ǵylym mınıstri Ashat Aımaǵambetov bilim berý obektileriniń qaýipsizdigin qamtamasyz etý jumystaryn baıandady.

«Halyqaralyq tájirbıe, sonyń ishinde Qazan qalasynda bolǵan oqıǵanyń saldary da zerdelendi. Bul taldaý Qazan mektebinde oqýshylar men muǵalimderdiń osyndaı qaýipti jaǵdaıda qajetti is-áreketterdi bilýiniń arqasynda, dabyl túımelerimen, arnaıy kúzetpen qamtamasyz etilýiniń arqasynda zalal mınımaldy deńgeıde bolǵanyn kórsetedi. Halyqaralyq tájirıbe de beınekameralarmen, dabyl túımelermen qamtamasyz etý, tótenshe jaǵdaılarǵa qarsy áreket etýdiń naqty algorıtmin engizý, arnaıy kúzet jáne pedagogter men oqýshylardy daıarlaý qajettiligin kórsetti», - dedi mınıstr.

Qazir elimizdiń barlyq mektepteri beınebaqylaý kameralarmen 100% qamtamasyz etilgen. Alaıda Bilim jáne ǵylym ári Іshki ister mınıstrlikteriniń birlesip júrgizgen monıtorıngy osy kameralardyń 55% ǵana talaptarǵa saı ekeniń kórsetti.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT