+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Bilim basqarmalaryn jabý úshin naqty mehanızm kerek - Birǵanym Áıtimova

2018 jylǵy 10 jeltoqsan 16:08
Bólisińiz:
Bilim basqarmalaryn jabý úshin naqty mehanızm kerek - Birǵanym Áıtimova

ASTANA. QazAqparat - QR Parlamenti Senatynyń depýtaty Birǵanym Áıtimova bilim basqarmalaryn jabýǵa qatysty pikir bildirdi, dep xabarlaıdy QazAqparat tilshisi.

Onyń aıtýynsha, atalǵan máseleni jan-jaqty zerdelep shyǵý qajet. Odan keıin tıisti zańnama bolýy shart. «Negizi, bul bastamany iske asyrýǵa bolady. Biraq ony júzege asyrýdyń naqty mehanızmi bolýy kerek. Bul máseleni jan-jaqty zerdelep shyqqan durys. Sosyn barlyq qurylymdardy daıyndap qoıǵan jón. Ásirese, mektepter daıyn bolýy qajet. Negizi, naqty mexanızm kerek. Sonda ǵana iske asyrýǵa bolady», - dedi B.Áıtimova QazAqparat tilshisine bildirgen pikirinde.

Aıta keteıik, QR Parlamenti Senatynyń depýtaty Darıǵa Nazarbaeva mektepterdi tikeleı qarjylandyrýdy usynyp otyr. «Qazir mektepterdi jan basyna qaraı qarjylandyrý júıesi engizilip jatyr. Menińshe, ol aqsha tikeleı Astanadan bólinetin bolsa, oblystyq, qalalyq jáne aýdandyq bilim basqarmalary múldem qajetsiz bolyp qalady. Bul - óte mańyzdy másele. Sebebi mektepke bıýdjet qarjysy bólingende, ol aqsha biraz ýaqyt jańaǵy basqarmalarda jatyp qalady. Olar ony búgin bere me? Erteń bere me? Ashyǵyn aıtý kerek, bıýdjet qarjysyn únemdeımiz dep, tolyǵymen bermeýi de múmkin. Artynan kitaptarǵa, ıa bolmasa, kúrdeli jóndeýge ata-analardan jınaı salasyńdar dep, jyly jaba salady. Ol jerde zań buzýshylyqtar kóp. Menińshe, ondaı basqarmalardyń bárin jaýyp tastaý qajet», - degen bolatyn D.Nazarbaeva jýrnalısterge.

Bizdiń kanalymyzǵa jazylyńyz:

Bólisińiz:

Avtor:

Arman Asqarov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT