BǴM jobalyq basqarýdy júzege asyrýda memlekettik organdar arasynda birinshi oryndy ıelendi

NUR-SULTAN. QazAqparat - QR BǴM jobalyq basqarýdy júzege asyrý boıynsha barlyq memlekettik organ arasynda birinshi oryndy ıelendi, dep habarlaıdy QazAqparat vedomstvonyń baspasóz qyzmetine silteme jasap.

Memleket basshysynyń tapsyrmasy sheńberinde bıyl ortalyq jáne jergilikti memlekettik organdar jobalyq basqarýdy engizip jatyr. Bul halyqqa kórsetiletin memlekettik qyzmetterdiń ashyqtyǵyn qamtamasyz etip, sapasyn arttyrý maqsatynda jasalyp jatqan sharalar.
QR BǴM jobalyq basqarý ádisterimen Bilim berýdi jáne ǵylymdy damytýdyń 2020-2025 j.j. arnalǵan memlekettik baǵdarlamasynda kórsetilgen mindetterdi júzege asyryp jatyr.
QR Prezıdenti janyndaǵy memlekettik basqarý akademııasy ótkizgen aıta keterligi, «Qazaqstan Project Management Awards 2020» ulttyq konkýrsynyń kózdegen maqsaty - memlekettik organdarda jobalyq menedjmentti qoldaý jáne jetildirý.
BǴM jobalyq keńsesi QR bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasyn júzege asyrý barysyndaǵy óz jumys tájirıbesin usynyp, jobalyq basqarýdy iske asyrý boıynsha 30 memlekettik organ arasynda birinshi orynǵa ıe boldy.